పాగల్ రిలీజ్‌కి రెడీ..
1 min read
సినిమా డెస్క్ : కొవిడ్ సెకండ్ వేవ్ తర్వాత తెలుగు రాష్ట్రాల్లోని థియేటర్లలో సందడి షురూ అయింది. ఒక్కొక్కరుగా సినిమాల విడుదల తేదీలను ప్రకటిస్తూ వస్తున్నారు.. ఇప్పటి వరకు చిన్న సినిమాలే థియేట్రికల్ రిలీజ్ అవుతుండగా.. ఇప్పుడు మాస్ కా దాస్ విశ్వక్ సేన్ హీరోగా తెరకెక్కుతున్న యూత్‌ఫుల్‌ ఎంటర్‌‌టైనర్‌ ‘పాగల్’ మూవీని థియేటర్లలో విడుదల చేయడానికి ముందుకు వచ్చాడు. ఈ సినిమా విడుదల తేదీని తాజాగా మేకర్స్ అధికారికంగా ప్రకటించారు. ‘పలక్‌నుమా దాస్’ మూవీతో యూత్ లో మంచి క్రేజ్ సొంతం చేసుకున్న విశ్వక్ సేన్ తన ఐదో చిత్రం’పాగల్’ ని స్వాతంత్ర్య దినోత్సవం సందర్భంగా ఆగస్ట్ 14న గ్రాండ్ గా థియేట్రికల్ రిలీజ్ చేయనున్నట్లు చిత్ర బృందం ఓ పోస్టర్ ద్వారా ప్రకటించింది. నరేష్ కొప్పల్లి అనే కొత్త దర్శకుడు ఈ చిత్రాన్ని తెరకెక్కించాడు. శ్రీ వెంకటేశ్వర క్రియేషన్స్ దిల్ రాజు సమర్పిస్తున్న ఈ చిత్రాన్ని లక్కీ మీడియా బ్యానర్ పై బెక్కం వేణుగోపాల్ నిర్మిస్తున్నారు. ఇందులో విశ్వక్ సేన్ సరసన నివేదా పేతురాజ్ – సిమ్రాన్ చౌదరి – మేఘ లేఖ హీరోయిన్లుగా నటించారు. ఇప్పటికే విడుదలైన ఈ మూవీ ఫస్ట్ లుక్ – టీజర్ – సాంగ్స్ మంచి స్పందన తెచ్చుకున్నాయి. రథన్ ఈ చిత్రానికి సంగీతం సమకూర్చారు. ఎస్ మణికందన్ సినిమాటోగ్రఫీ అందించగా.. గ్యారీ ఎడిటింగ్ వర్క్ చేశారు. ఈ చిత్రంలో రాహుల్ రామకృష్ణ – మురళీ శర్మ ఇతర పాత్రలు పోషించారు.
About Author
