NEWSNEDU

NEWSNEDU | Telugu Latest News | KURNOOL AP

యాప్‌ల భారం తగ్గించాలి : యూటీఎఫ్​

1 min read

పల్లెవెలుగు, చాగలమర్రి: బోధన సమయాన్ని హరించి వేస్తున్న యాప్ ల భారాన్ని తగ్గించాలని కోరుతూ యూటీఎఫ్ మండల శాఖ అధ్యక్షుడు డెన్ని జాన్సన్‌ ఆధ్వర్యంలో మండలంలోని కొత్తపల్లె,గొడెగనూర్‌ పాఠశాలలో నల్ల బ్యాడ్జీలతో ఉపాధ్యాయులు నిరసన తెలిపారు. ఈ సందర్భంగా డెన్ని మాట్లాడుతూ ముఖ్యమంత్రి అధికారంలోకి వచ్చిన వెంటనే యాప్ ల భారం తగ్గిస్తానని హామీ ఇచ్చారని, అధికారంలోకి వచ్చాక యాప్ ల సంఖ్య పెరిగి ఉపాధ్యాయుల విలువైన బోధన సమయం తగ్గిందని వాపోయారు. కరోనాతో విద్యకు దూరమైన పిల్లలు ఇప్పుడిప్పుడే పాఠశాలలకు వస్తున్నారని , వారికి బోధించే సమయం లేకుండా మధ్యాహ్నం వరకు యాప్ లతో కుస్తీ పట్టాల్సి వస్తోందని ఆవేదన వ్యక్తం చేశారు. ఈనెల 4 , 5 , 6 తేదీలలో మొదటి దశ పోరాటంలో భాగంగా నల్లబ్యాడ్జీలు ధరించి విధులు నిర్వహిస్తూ నిరసన తెలుపుతున్నట్లు తెలిపారు. చైల్డ్ ఇన్ఫో లో సమస్యలను కూడా పరిష్కరించాలని కోరారు. కార్యక్రమంలో యుటిఎఫ్ నాయకులు విజయ, లలితమ్మ, మదన్‌గోపాల్‌, రమేష్‌బాబు, మహేంద్ర, ఓబులపతి తదితరులు పాల్గొన్నారు.

About Author