మోదీని తరిమికొడతం.. నిప్పులు చెరిగిన కేసీఆర్
1 min read
పల్లెవెలుగువెబ్ : ప్రధాని నరేంద్ర మోదీ పై సీఎం కేసీఆర్ నిప్పులు చెరిగారు. జనగామ జిల్లా కలెక్టరేట్ ప్రారంభం అనంతరం ఏర్పాటు చేసిన సభలో తీవ్ర వ్యాఖ్యలు చేశారు. ‘‘ప్రధాని మోదీని తరిమికొడతాం. ఒక్క ప్రాజెక్టుకూ జాతీయ హోదా ఇవ్వలేదు. కోచ్‌ ఫ్యాక్టరీ లేదు. మెడికల్‌ కాలేజీలు ఇవ్వలేదు. లక్షల కోట్ల రుణాలు తీసుకుని, మోసం చేసిన వారిని లండన్‌కు పంపుతున్నారు. వారు అక్కడ పిక్‌నిక్‌లు చేసుకుంటున్నారు. మోదీ మాత్రం ఇక్కడ రైతులు, పేదల వెంట పడ్డారు. కరెంటు సంస్కరణలంటున్నారు. మా ప్రాణాలు పోయినా బోర్లు, బావులకు కరెంటు మీటర్లు పెట్టం. అవసరమైతే ఢిల్లీకి వస్తా. ఏం చేస్కుంటావో చేసుకో. మీ సంస్కరణలను మేం అమలు చేయం’’ అని ముఖ్యమంత్రి కేసీఆర్ విరుచుకుపడ్డారు.
About Author
