ఆశ వర్కర్లకు జీతాలు పెంచాలని తాసిల్దార్ కు వినతి
1 min read
పల్లెవెలుగు వెబ్ పత్తికొండ : ఆశ వర్కర్లకు జీతాలు పెంచాలని కోరుతూ, CITU ఆధ్వర్యంలో స్థానిక కామ్రేడ్ ఈశ్వర్ రెడ్డి భవన్ నుండి తాసిల్దార్ కార్యాలయం వరకు ర్యాలీ నిర్వహించారు. చాలీచాలని జీతాలతో అతి కష్టంపై తమ విధులను నిర్వహిస్తున్నామని, అయినప్పటికీ ప్రభుత్వం తమపై కనికరం చూపడం లేదని ఆశ వర్కర్ల సంఘం నాయకురాళ్ళు ఈశ్వరమ్మ, అనిత ఆవేదన వ్యక్తం చేశారు. కావున ప్రభుత్వం తక్షణమే స్పందించి తమకు జీతాలు పెంచాలని వారు డిమాండ్ చేశారు. అనంతరం తాసిల్దార్ కార్యాలయం సూపరింటెన్డెంట్ లక్ష్మికాంత్ రెడ్డికి వినతి పత్రం అందజేశారు. ఈ కార్యక్రమంలో సీఐటీయూ జిల్లా నాయకులు వెంకటేష్ రెడ్డి, సీఐటీయూ మండల కార్యదర్శి గోపాల్, వ్యవసాయ కార్మిక సంఘం మండల అధ్యక్ష కార్యదర్శులు దస్తగిరి, పెద్దహుల్తీ సురేంద్ర, ఆశ వర్కర్ల సంఘం నాయకులు ఈశ్వరమ్మ అనిత తదితరులు పాల్గొన్నారు.
About Author
