కర్నూలు–ఓర్వకల్లు హైవేలో రోడ్డు ప్రమాదం
1 min read
– విద్యార్థి 100 ఫోన్ చేస్తే…పోలీసుల రంగ ప్రవేశం
– అభినందించిన ఎస్పీ ఫక్కీరప్ప
పల్లెవెలుగువెబ్, కర్నూలు: కడప జిల్లా ప్రొద్దుటూరు నుంచి హైదరాబాద్కు వయా కర్నూలు మీదుగా సంజీవ్ కుమార్ ( ఏపీ 28 BL 1969 ) కారులో వెళ్తుండగా… నిద్రమత్తులో హుసేనాపురం ఎస్.ఆర్.పెట్రోల్ బంకు దగ్గర కల్వర్టు కింద పడి ప్రమాదానికి గురయ్యాడు. ప్రమాదంలో సంజీవ్కుమార్ తలకు, ఎడమ కాలుకు గాయమైంది. రోడ్డు ప్రమాదం జరిగిన విషయాన్ని నంద్యాల నుండి కర్నూలుకు వెళ్తున్న విద్యార్ది నాడ వినయ్ డయల్ 100 పోలీసులకు సమాచారం అందించారు.
హైవే పెట్రోలింగ్ ఓర్వకల్లు పోలీసులు హెడ్ కానిస్టేబుల్ 2586 ఆంజనేయులు, హోంగార్డు 726 కె. నాగరాజు రోడ్డు ప్రమాద ఘటన స్ధలానికి చేరుకుని క్షతగాత్రులకు సహాయపడి వెంటనే హైవే అంబులెన్సు ద్వారా వైద్యం కోసం కర్నూలు ప్రభుత్వ ఆసుపత్రికి వెళ్ళేందుకు సహాయపడ్డారు. మెరుగైన వైద్యం కోసం ఆస్పత్రికి తరలించిన పోలీసులకు బాధితులు కృతజ్ఞతలు తెలిపారు సదరు పోలీసులను జిల్లా ఎస్పీ డాక్టర్ ఫక్కీరప్ప కాగినెల్లి ఐపియస్ అభినందించారు.
About Author
