రౌడీ ఇన్‌స్టా వ్యూస్‌…

సినిమా డెస్క్​ : ప్రస్తుత ట్రెండ్‌లో సోషల్‌ మీడియా వేదికలైన ఫేస్ బుక్.. ట్విటర్.. ఇన్ స్టా గ్రామ్‌లు ఇప్పుడు స్టార్ హీరోల ఫాలోయింగ్ ని డిసైడ్ చేస్తున్నాయి. ముఖ్యంగా హీరోలకు ఇన్ స్టా గ్రామ్ వేదిక అత్యంత ముఖ్యమైపోయింది. మిలియన్లలో ఫాలోవర్స్ ని దక్కించుకుంటున్నారు. సోషల్ మీడియా ఫాలోయింగ్ ని బట్టి ప్రకటనల ఆదాయం ఉంటోంది మరి. మార్కెట్ పరంగా ఈ ఫాలోయింగ్ కలిసొస్తోంది. అందుకే ఈ వేదికలకు అంతటి ప్రాధాన్యత. రీసెంట్‌గా ఇన్ స్టాని చాలా మంది హీరోలు ఊపేస్తున్నారు. అందులో ఇతర హీరోలతో పోలిస్తే అందరికంటే ముందున్నది రౌడీ విజయ్ దేవరకొండ. టాలీవుడ్ హీరోలందరిలో ఇన్ స్టాలో అత్యధికంగా ఫాలోవర్స్ ని కలిగిన హీరోగా రౌడీ స్టార్ నిలిచారు. అతని ఇన్ స్టా లో 12 మిలియన్ కు పైగా ( కోటి 20 లక్షలకు పైగా) ఫాలోవర్స్ ఉన్నారు. ఇక ఆ తర్వాతి స్థానంలో స్టైలిష్ స్టార్ అల్లు అర్జున్ (కోటి 20 లక్ష లు), సూపర్ స్టార్ 6.8 మిలియన్ (60 లక్షల 80 వేలు) , పాన్ ఇండియా స్టార్ ప్రభాస్ కు (6.5 మిలియన్) , టాలీవుడ్ హంక్ రానా (4 మిలియన్ ) మెగా పవర్ స్టార్ రామ్ చరణ్ (30 లక్షల 90 వేలు) ఫాలోవర్స్ ని కలిగి ఉన్నారు. ఈ జాబితాలో స్టార్లంతా ఇటీవలి ఓర్మాక్స్ సర్వేలోనూ టాప్ 10లో నిలిచారు. అంతకుముందు టైమ్స్ 2020 హీరోల జాబితాలోనూ చోటు దక్కించుకున్న సంగతి తెలిసిందే.

About Author

PALLEVELUGU

See author's posts