బద్వేల్ అభివృద్ధికి రూ.792కోట్లు! మంత్రి పెద్దిరెడ్డి
1 min read
పల్లెవెలుగువెబ్, కడప: బద్వేల్ అసెంబ్లీ నియోజకవర్గం అభివృద్ధికి ప్రభుత్వం రూ.792కోట్లు కేటాయించిందని మంత్రి పెద్దిరెడ్డి రామచంద్రారెడ్డి అన్నారు. ఈమేరకు ఆయన శనివారం మీడియాతో మాట్లాడుతూ వెల్లడించారు. ఈనెల 30న బద్వేల్ ఉప ఎన్నికలు జరుగనున్న నేపథ్యంలో వైసీపీ విస్తృత స్థాయి ప్రచారం, సమావేశాలతో ఓట్టలను చైతన్యపరుస్తోంది. ఈ క్రమంలో మంత్రి పెద్దిరెడ్డి మాట్లాడుతూ పునాదులు లేని కాంరగెస్, అడ్రస్ లేని బీజేపీలు ఎన్నికల బరిలో ఏమని ఓట్లు అడుగుతాయని ప్రశ్నించారు. ముఖ్యమంత్రి వైఎస్.జగన్ బద్వేల్ అభివృద్ధికి కట్టుబడి ఉన్నారని, రూ.792కోట్లు కేటాయించారన్నారు. తాగునీటి శాశ్విత పరిష్కారానికి బ్రహ్మంసాగర్ ద్వారా పనులు చేపట్టామని, నియోజకవర్గం పరిధిలో 5వేల ఇళ్లు ఇచ్చామన్నారు. సీఎం జగన్ ప్రజాసంక్షేమం, రాష్ట్రాభివృద్ధి రెండు కళ్లుగా చేసుకుని రాష్ట్ర పాలన సాగిస్తున్నారన్నారు. ప్రభుత్వం అమలు చేస్తోన్న నవరత్న పథకాలే వైసీపీని గెలిపిస్తాయని, బద్వేల్ ఉప ఎన్నికలో భారీ మెజార్టీతో వైసీపీ అభ్యర్థి గెలుపు ఖాయమని ధీమా వ్యక్తం చేశారు.
About Author
