అణు విద్యుత్ కేంద్రం పై రష్యా కాల్పులు.. పేలితే స్మ‌శాన‌మే !
1 min read
ప‌ల్లెవెలుగువెబ్ : ఉక్రెయిన్ లోని అణు విద్యుత్ కేంద్రం పై రష్యా కాల్పులు జ‌రిపింది. ఇది యూర‌ప్ లోనే అతిపెద్ద అణు విద్యుత్ కేంద్రం. ఈ కాల్పులతో అణు విద్యుత్ ప్లాంట్ అగ్నికి ఆహుతైంది. అణు విద్యుత్ కేంద్రంలోనుంచి పొగలు రావడం గమనించానని సమీపంలోని ఎనర్‌గోదర్ నగర మేయర్ చెప్పారు. అణు కర్మాగారం యొక్క అన్ని వైపుల నుంచి రష్యా దాడులు ప్రారంభించిందని ఉక్రెయిన్ విదేశాంగ మంత్రి డిమిట్రో కులేబా తెలిపారు. జపోరిజ్జియా అణువిద్యుత్ ప్లాంట్ పేలితే, దీని ప్రభావం చెర్నోబిల్ కంటే 10 రెట్లు అధికంగా ఉంటుందని డిమిట్రో కులేబా చెప్పారు. దాడికి ముందు రష్యా దళాలు ప్లాంట్‌ను స్వాధీనం చేసుకునేందుకు ప్రయత్నాలు ముమ్మరం చేశాయని, ట్యాంకులతో పట్టణంలోకి ప్రవేశించాయని ఉక్రెయిన్ సైనికులు చెప్పారు.
About Author
