పోలీస్ అమరవీరుల త్యాగం.. చిరస్మరణీయం..
1 min read
– కమాండెంట్ ఎన్. శ్రీనివాసరావు
పల్లెవెలుగు వెబ్, కడప: పోలీస్ అమరవీరుల త్యాగాలు… చిరస్మరణీయమన్నారు కమాండెంట్ ఎన్. శ్రీనివాసరావు. గురువారం కడప బాకర్పేట్ 11వ బెటాలియన్లో పోలీస్ అమరవీరుల సంస్మరణ దినోత్సవం జరిగింది. కార్యక్రమానికి ముఖ్య అతిథిగా విచ్చేసిన కమాండెంట్ ఎన్.శ్రీనివాసరావు మాట్లాడుతూ పోలీసుల అమరవీరుల ధైర్య,సాహసాలను ప్రతిఒక్కరూ స్ఫూర్తిగా తీసుకోవాలన్నారు.
జీవితమంటే తన కోసం.. కుటుంబ సభ్యుల కోసం కాదని.. ప్రజలను కాపాడటం కోసమని నమ్మి దేశ రక్షణకై ప్రాణాలు అర్పించిన పోలీసు అమరవీరులకు ఈ సందర్భంగా ఆయన శ్రధ్దాంజలి ఘటించారు. ఆ తరువాత పోలీసు అమరవీరుల కుటుంబ సభ్యులకు మెమోంటోలు, చెక్లు అందజేశారు. కార్యక్రమంలో పోలీసు అమరవీరుల కుటుంబ సభ్యులు, 11వ బెట్టాలిన్ పోలీస్ కమాండెంట్ అధికారులు మరియు సిబ్బంది పాల్గొన్నారు.
About Author
