సంక్రాంతికి… ‘సర్కారు వారి పాట’
1 min read
సినిమా డెస్క్ : టాలీవుడ్‌ సూపర్‌‌స్టార్‌ మహేష్ బాబు హీరోగా పరశురామ్ తెరకెక్కిస్తున్న చిత్రం ‘సర్కారు వారి పాట’. లాక్‌డౌన్‌తో బ్రేక్‌ పడ్డ ఈ సినిమా షూటింగ్ ని రీసెంట్‌గా తిరిగి మొదలెట్టారు. షూటింగ్ కూడా స్పీడ్‌గా చేసేస్తున్నారు. కీలక సన్నివేశాలను చిత్రీకరిస్తున్నారు. నెక్స్ట్ షెడ్యూల్ గోవాలో ఉంటుందట. సంక్రాంతికి సినిమా రిలీజ్ చేసే ప్లాన్‌లో ఉన్నారు మేకర్స్‌. బ్యాంక్ స్కామ్స్ బ్యాక్ డ్రాప్‌ మూవీని తెరకెక్కిస్తున్నాడు దర్శకుడు పరశురామ్. అయితే ఈ సినిమాని పూర్తి ఎంటర్ టైనర్ లా తీస్తున్నాడట. తను మహేష్ ఫ్యాన్‌ కావడంతో, వారు కోరుకునే అన్ని అంశాలతో ఈ సినిమా చేస్తున్నాను అంటున్నాడు. ఈ మూవీలో మహేష్ కామెడీ టైమింగ్‌ని డిఫరెంట్‌గా ఉంటుందని, కచ్చితంగా ఆ సీన్స్ కి థియేటర్స్‌లో విజిల్స్‌ గ్యారెంటీ అంటున్నారు. అభిమానులకు ఫుల్ మీల్స్ లా ఉంటుందని చెపుతున్నాడు పరశురామ్. మహేష్ సరసన కీర్తీ సురేష్ నటిస్తోంది. వెన్నెల కిషోర్‌, సుబ్బరాజు ఇతర ముఖ్య పాత్రల్ని పోషిస్తున్నారు. తమన్ సంగీతం అందిస్తున్నాడు. మహేష్ బాబుతో కలిసి నవీన్‌ యెర్నేని, రవిశంకర్‌ యలమంచిలి, రామ్‌ ఆచంట, గోపీ ఆచంట నిర్మిస్తున్నారు. దీని తర్వాత మహేష్ తివిక్రమ్‌ మూవీపై ఫోకస్‌ పెట్టనున్నాడు.
About Author
