13 క్వింటాళ్ల అక్రమ రవాణా బియ్యం పట్టివేత
1 min read
పల్లెవెలుగు వెబ్, పెద్దకడబూరు : కర్నూలు జిల్లాపెద్దకడుబూరు మండలంలోని కొత్తగొల్లలదొడ్డి గ్రామ ఊరి బయట గల, శ్రీ మరెమ్మ గుడి దగ్గర అక్రమంగా బియ్యం తరలిస్తున్న ఇద్దరు వ్యక్తులను దాడి చేసి పట్టుకున్నట్లు ఎస్ఐ శ్రీనివాసులు తెలిపారు. వివరాలిలా ఉన్నాయి. ఎమ్మిగనూరు మండలం సొగనూరుకు చెందిన బోయ రామాంజనేయులు, ఎమ్మిగనూరు పట్టణంలోని శక్తి నగర్కు చెందిన బోయ వీరేష్ అనే వ్యక్తులు 36 సంచులలో 13 క్వింటాళ్ల పీడీఎఫ్ బియ్యంను ఆటో(ALFA ఆటొ నెంబర్ AP21TB2069)లో అక్రమంగా తరలిస్తున్నారన్న సమాచారంతో దాడి చేసి పట్టుకుని, అరెస్టు చేశారు. వారిపై కేసు నమోదు చేసి… బియ్యం స్వాధీనం చేసుకుని ఆర్ఐ ఆదాముకు అప్పగించారు. దాడిలో తలారి నాగరాజు, హెడ్ కానిస్టేబుల్ విక్టర్ బాబు, మరియు కానిస్టేబుల్ రంగముని పాల్గొన్నారు.
About Author
