రూ.2.5 కోట్ల బంగారం పట్టివేత
1 min read
– సరైన పత్రాలు, ఆధారాలు చూపకపోవడంతో సీజ్
– వెల్లడించిన డీఎస్పీ మహేష్
పల్లెవెలుగు వెబ్, కర్నూలు: రాష్ట్ర సరిహద్దు..పంచలింగాల చెక్ పోస్టు వద్ద వాహనాల తనిఖీలో 2.5 కోట్లు విలువ చేసే 5 కేజీల 85 గ్రాముల బంగారం
గుర్తించి.. సరైన పత్రాలు చూపకపోవడంతో పోలీసులు సీజ్ చేశారు. కర్నూలు డీఎస్పీ మహేష్ తెలిపిన వివరాలు. కర్నూల్ జిల్లా ఎస్పీ డాక్టర్ పక్కీరప్ప , సెబ్ అడిషనల్ ఎస్పీ గౌతమి సాలి ఐపియస్ ఆదేశాల మేరకు పంచ లింగాల రాష్ట్ర సరిహద్దు చెక్ పోస్టులో గురువారం తెల్లవారు జామున సెబ్ సీఐ శ్రీనివాసులు ఆధ్వర్యంలో లోకల్, సెబ్ పోలీసులు కలిసి వాహనాలు తనిఖీ చేశారు. హైదరాబాదు –బెంగళూరు వెళుతున్న (AP 39 TG8888) ప్రైవేట్ ట్రావెల్స్ బస్సు నందు ప్రయాణిస్తున్న బెంగళూరుకు చెందిన నగల వ్యాపారి మహావీర్ జైన్ ( అరిహంత్ జ్యువెలరీ షాప్ , శివాజీ నగర్ నార్త్ బెంగళూరు ) తన బ్యాగులో సుమారు 5 కేజీల 85 గ్రాములు (45 బంగారు బిస్కెట్లు , రెండు నెక్లెస్ లను ) సోదాల్లో గుర్తించారు . వాటికి సంబంధించి సరైన పత్రాలు ,ఆధారాలు, ఈ – వే బిల్లులు చూపనందున వాటిని కర్నూల్ తాలూకా పోలీస్ స్టేషన్ నందు తదుపరి చర్య నిమిత్తం అప్పగించారు. చెక్ పోస్టు వద్ద తనిఖీలో సిఐ కంటగిరి రాముడు, SI లు ఖాజా వాలి , లక్ష్మి నారాయణ మరియు సిబ్బంది పాల్గొన్నారు .
About Author
