సింగ‌ర్ కేకే హ‌ఠాన్మ‌ర‌ణం !

ప‌ల్లెవెలుగువెబ్ : సింగర్​ కేకే అలియాస్ కాయ్‌ కాయ్‌ అలియాస్‌​ కృష్ణకుమార్​ కున్నాత్‌(53) మంగళవారం రాత్రి కోల్​కతా ప్రదర్శన తర్వాత​ గుండెపోటుతో కన్నుమూశారు. ఈ వార్త సినీ ప్రపంచంతో పాటు ఆయన అభిమానులను దిగ్భ్రాంతికి గురి చేసింది. బాలీవుడ్​తో పాటు తమిళ్​, తెలుగు, కన్నడ, మరాఠీ, బెంగాళీ, అస్సామీ, గుజరాతీ, మలయాళంలోనూ 800 దాకా పాటలు పాడారు. కేకే అడ్వర్టైజ్మెంట్​ జింగిల్స్​తో సింగింగ్​ కెరీర్​ ప్రారంభించారు. దాదాపు పదకొండు భాషల్లో 3,500 యాడ్స్​కు ఆయన వాయిస్​ ఇచ్చారంటే అతిశయోక్తి కాదు. సింగర్​ కేకే.. 90వ దశకంలో నుంచి వింటున్న పేరు. 1994లో లూయిస్​ బాంక్స్​, రంజిత్​ బారోత్​, లెస్లే లూయిస్​ వల్ల సినీ సంగీత ప్రపంచంలోకి అడుగుపెట్టాడాయన. యూటీవీ వారి సింగ్​ జింగిల్స్​తో ఆయనకు బ్రేక్​ దక్కింది. లెస్లే లూయిస్​ని గురువుగా భావిస్తారాయన. కానీ, సినీ ప్రపంచంలో పాపులర్​ అయ్యింది మాత్రం ఏఆర్​ రెహమాన్​ ద్వారానే. బాలీవుడ్‌లో ఆయన వందల్లో పాటలు పాడారు. కేవలం ఏ ఒక్క నటుడికో తన గాత్రం సరిపోతుందనే ఉద్దేశం ఆయనకు ఏమాత్రం ఉండేది కాదు. అందుకే చిన్నా పెద్దా నటులందరి పాటలకు గాత్రం అందించారు.

About Author

pvnews

See author's posts