సాంకేతిక విప్లవ రథసారథికి ఘననివాళి
1 min read![](https://i0.wp.com/newsnedu.com/wp-content/uploads/2021/05/4web220521.jpeg?fit=690%2C411&ssl=1)
పల్లెవెలుగు వెబ్, కర్నూలు: సాంకేతిక విప్లవ రథసారథి భారతరత్న స్వర్గీయ శ్రీ రాజీవ్ గాంధీ ఘన నివాళులర్పించారు కాంగ్రెస్ నగర కమిటీ అధ్యక్షుడు జాన్ విల్సన్. శుక్రవారం రాజీవ్ గాంధీ వర్ధంతి సందర్భంగా నగరంలోని కళావెంకట్రావ్ భవనంలో రాజీవ్ గాంధీ చిత్రపటానికి పూలమాల వేసి నివాళులర్పించారు. అనంతరం సి క్యాంపు సెంటర్లోని రాజీవ్గాంధీ కాంస్య విగ్రహమునకు పూలమాలలు వేసి నివాళులర్పించారు. జాన్ విల్సన్ గారు మాట్లాడుతూ భారత దేశం సాంకేతికంగా అభివృద్ధి చెందడానికి రాజీవ్ గాంధీ చేసిన కృషి మరువ లేనిదన్నారు. అనంతరం కోవిడ్–19 జాగ్రత్తలు పాటించాలని ప్రజలకు సూచించారు. ఆ తరువాత మాస్కులు పంపిణీ చేశారు. కార్యక్రమంలో మంత్రాలయం నియోజకవర్గం కాంగ్రెస్ ఇన్చార్జి బాబురావు, జిల్లా కాంగ్రెస్ డాక్టర్స్ సెల్ అధ్యక్షులు అమరేందర్ రెడ్డి, కాంగ్రెస్ నాయకులు బివి సుబ్రహ్మణ్యం, పీరా రియాజ్ , వెంకట లక్ష్మి తదితరులు పాల్గొన్నారు.