కర్నూలులో సోనూసూద్ ఆక్సిజన్ ప్లాంట్..
1 min read
– రెండు వారాల్లో రానుంది…
– సోనూసూద్ పీఆర్ఓ శ్రీధర్ శ్రీ వెల్లడి
పల్లెవెలుగు వెబ్, కర్నూలు: దేశంలో కోవిడ్ బారిన పడి ఎంతో మంది ఆక్సిజన్ అందక మృత్యువాత పడుతున్న నేపథ్యంలో సినీనటుడు సోనూసూద్ ఆక్సిజన్ ప్లాంట్ల ఏర్పాటుకు సిద్ధంగా ఉన్నానని ఇటీవల ట్విట్టర్ వేదికగా వెల్లడించారు. ఫ్రాన్స్ దేశానికి వెళ్లి.. ఆక్సిజన్ల ప్లాంట్ల సరఫరాకు ఒప్పందం కూడా కుదుర్చుకున్నారు. ఈ క్రమంలో దేశంలో పలు రాష్ట్రాల్లో ఆక్సిజన్ ప్లాంట్ల ఏర్పాటుకు హామీ కూడా ఇచ్చారు. ఆక్సిజన్ అందక .. ఏ ఒక్కరిని కోల్పోరాదన్న తలంపుతో ఆక్సిజన్ ప్లాంట్లు ఏర్పాటు చేస్తున్నారని, మరో రెండు వారాల్లో ఆయా ప్రాంతాలకు సరఫరా చేయనున్నారని సోనూసూద్ పీఆర్ఓ శ్రీధర్ శ్రీ స్పష్టం చేశారు. అందులో భాగంగా కర్నూలులోనూ సోనూసూద్ ఆక్సిజన్ ప్లాంట్ ఏర్పాటుకు హామీ ఇచ్చారని, ఎక్కడ ఏర్పాటు చేయాలన్న విషయమై కలెక్టర్ జి. వీరపాండియన్, మున్సిపల్ కమిషనర్ డీకే బాలాజితో చర్చించాల్సి ఉందన్నారు.
About Author
