సోనూసూద్ సేవలు.. అభినందనీయం
1 min read
– పాణ్యం ఎమ్మెల్యే కాటసాని రాంభూపాల్ రెడ్డి
పల్లెవెలుగు వెబ్, కల్లూరు: సినీ నటుడు సోనూసూద్ సేవలు అభినందనీయమని ప్రశంసించారు పాణ్యం ఎమ్మెల్యే కాటసాని రాంభూపాల్ రెడ్డి. ఆక్సిజన్ అందక కోవిడ్ పేషెంట్లు ప్రాణాలు వదులుతున్న క్రమంలో.. సోనూసూద్ కర్నూలులో ఆక్సిజన్ ప్లాంట్ ఏర్పాటు చేస్తానని ప్రకటించడం హర్షించదగ్గ విషయమన్నారు. సోనూసూద్ నిర్ణయానికి సంపూర్ణ మద్దతు, సహకారం అందజేస్తామన్నారు. శుక్రవారం ఎమ్మెల్యే కాటసాని రాంభూపాల్ రెడ్డిని సోనూసూద్ పీఆర్ఓ శ్రీధర్ శ్రీ మర్యాదపూర్వకంగా కలిశారు. మరో రెండు వారాల్లో ఆక్సిజన్ ప్లాంట్ను కర్నూలులో స్థాపించనున్నట్లు సోనూసూద్ పీఆర్ ఓ శ్రీధర్ శ్రీ ఎమ్మెల్యేకు తెలిపారు. అక్షిజన్ అందక చాలామంది ప్రాణాలు కోల్పోతున్న నేపథ్యంలో సోనూసూద్ ఈ నిర్ణయం తీసుకున్నారని స్పష్టం చేశారు. ఎమ్మెల్యేను కలిసిన వారిలో స్వరూన్ రాజ్, శ్రీకాంత్ ఉన్నారు.
About Author
