ఫ్లయింగ్ సాసర్ల గుట్టు రట్టు చేసేందుకు స్పెషల్ టీమ్ !
1 min read
పల్లెవెలుగువెబ్ : విశ్వంలో భూమిని పోలిన గ్రహాలు ఉండొచ్చని, అక్కడ జీవం ఉండొచ్చని శాస్త్రవేత్తలు ఎప్పటినుంచో ఆశాభావంతో ఉన్నారు. గ్రహాంతర జీవులు మనకంటే అభివృద్ధి చెందినవారని, వారు ఉపయోగించే వాహనాల్లోని టెక్నాలజీ మానవుడి ఊహకు అందని స్థాయిలో ఉంటుందని కొన్ని వాదనలు వినిపిస్తుంటాయి. ఈ వాదనలకు ఊతమిచ్చేలా…. ఆకాశంలో ఫ్లయింగ్ సాసర్ల వంటి గుర్తుతెలియని వస్తువులు (యూఎఫ్ఓ) తిరుగుతుండడాన్ని చూసినట్టు అనేకమంది చెబుతుంటారు. అయితే యూఎఫ్ఓలకు సంబంధించి ఇప్పటిదాకా నిర్దిష్ట ఆధారాలు లేవు. కొంతమంది వాటిని ఫొటోలు తీశామని చెబుతుండగా, ఆ ఫొటోల స్పష్టత అంతంతమాత్రమే. దాంతో ఈ ఫ్లయింగ్ సాసర్ల అంశం మానవాళికి ఓ మిస్టరీలా మారింది. ఈ నేపథ్యంలో, యూఎఫ్ఓల గుట్టు విప్పేందుకు అమెరికా అంతరిక్ష పరిశోధన సంస్థ నాసా ఓ స్పెషల్ టీమ్ ను ఏర్పాటు చేసింది. ఈ బృందంలో వివిధ శాస్త్ర విభాగాలకు చెందిన 16 మందికి స్థానం కల్పించింది. ఈ బృందానికి డేవిడ్ స్పెర్గెల్ నాయకత్వం వహిస్తారు.
About Author
