‘ఎస్ఆర్’ క్షమాపణ చెప్పాల్సిందే.. లేదంటే ఉద్యమమే..!
1 min read
– కర్నూలు ఫోటో,వీడియో అండ్ అల్లాయిడ్ సర్వీసెస్ అధ్యక్షులు నాగేశ్వర రెడ్డి
పల్లెవెలుగువెబ్, కర్నూలు: వివాహ వేడుకలలో ఫోటోలు తీసేందుకు వచ్చిన ఓ ఫోటోగ్రాఫర్ను అనంతపురం నగరంలోని ఎస్ఆర్ కళ్యాణ మండపం యాజమాన్యం ఘోరంగా అవమానించిందని, వెంటనే క్షమాపణ చెప్పాలని డిమాండ్ చేశారు కర్నూలు ఫోటో,వీడీయో అండ్ అల్లాయిడ్ సర్వీసెస్ అసోసియేషన్ అధ్యక్షులు నాగేశ్వర రెడ్డి. కర్నూలు రాజ్ విహార్ సర్కిల్ నుంచి కలెక్టరేట్ వరకు నగరంలోని ఫోటో, వీడియో గ్రాఫర్ అండ్ అల్లాయిడ్ సర్వీసెస్ అసోసియేషన్ ఆధ్వర్యంలో ర్యాలీ నిర్వహించారు. అనంతరం కలెక్టర్ పి.కోటేశ్వరరావుకు వినతిపత్రం అందజేశారు.
ఈ సందర్భంగా అసోసియేషన్ అధ్యక్షులు నాగేశ్వర్ రెడ్డి మాట్లాడుతూ… వీ.ఐ.పీ.వాళ్ళు వెళ్ళే లిఫ్ట్ లో ఎవ్వరూ లేని సమయంలో వెళ్ళిపోతున్న ఫోటోగ్రాఫర్ బాష ను.. ‘ నువ్వు లేబర్వి.. లేబర్లు వెళ్లే లిఫ్ట్లో వెళ్లాలని అక్కడి రిసెప్షన్ చెప్పడంతో….మేడం నేను లేబర్ను కాదు… ఫోటో గ్రాఫర్ను.. స్టూడియో ఓనర్ను అని తెలిపినా… నానా దుర్బాషలాడి అవమానించడం దారుణమన్నారు. వెంటనే ఎస్ఆర్ కళ్యాణమండపం యాజమాన్యం క్షమాపణ చెప్పాలని డిమాండ్ చేశారు. ఆ తరువాత సీనియర్ ఫోటోగ్రాఫర్ భానుప్రకాష్ మాట్లాడుతూ యస్.ఆర్.గ్రాండ్ యాజమాన్యం దిగి రాకపోతే ఛలో అనంతపూర్ పేరుతో ఉద్యమాన్నిఉధృతం చేసి రాష్ట్రవ్యాప్త ఉద్యమంగా మార్చి సదరు కళ్యాణమండపం ముందు ధర్నాకు దిగుతామని హెచ్చరించారు. కార్యక్రమంలో వీరప్పా, శ్రీకాంత్,ప్రవీణ్,బాషా,గోవిందు,హరి,భాస్కర్,అనిల్,నాయుడు వందమంది ఫోటో ,వీడియో ,సంబంధిత శాఖల కార్యకర్తలు పాల్గొన్నారు.
About Author
