శ్రీశైలం కు పాదయాత్రగా శివ భక్తులు
1 min read
పాదయాత్రగా నేడు శ్రీశైలం కు శివ భక్తులు
శివ భక్తులకు అన్న సంతర్పణ కార్యక్రమం నిర్వహించిన ఎం.ఆర్.పి.ఎస్ పంచ గుండుగా వెంకటేష్
పల్లెవెలుగు వెబ్ హొళగుంద: మండల కేంద్రం హోలగుందలోని ఎస్సీ కాలనీ నుండి శివయ్య భక్తులు హరోహం అంటూ కాలినడకన జ్యోతిర్లింగ క్షేత్రం శ్రీశైలం కు బయలుదేరి వెళ్లారు.. మహాశివరాత్రి సందర్భంగా జరిగే ప్రత్యేక పూజా కార్యక్రమాలలో పాల్గొనడానికి ప్రతి సంవత్సరం ఎస్సీ కాలనీ నుండి కాలనీ పెద్దలు శివయ్య భక్తులు వీరేష్ ఆధ్వర్యంలో పురుషులు మహిళలు పిల్లలు పాదయాత్రగా బయలుదేరతారు. అదే ఆనవాయితీని కొనసాగిస్తూ మహాశివరాత్రి పర్వదినం రోజుకు శ్రీశైలం చేరుకునే లాగున బయలుదేరారు. ఈ సందర్భంగా వారు మాట్లాడుతూ ఉదయం సాయంత్రం వేళల్లో పాదయాత్రను కొనసాగిస్తామని మంచి ఎండ ఉన్న సమయంలో విశ్రాంతి తీసుకుంటామని తెలిపారు. పాదయాత్రకు అవసరమైన సరంజామను మొత్తం ఒక మినీ టాటా ఏసీలో తమ వెంట తీసుకుని వెళ్లారు. పాదయాత్రీకులకు ఎం ఆర్ పి ఎస్ పత్తికొండ డివిజన్ ఉపాధ్యక్షులు పంచకుండగ వెంకటేష్ అన్న సంతర్పణ కార్యక్రమం నిర్వహించి పరమేశ్వరుని ఆశీర్వాదాలు పొందుకున్నాడు . పాదయాత్రకు బయలుదేరిన మహిళలు పిల్లలకు పెద్దలు జాగ్రత్తలు చెప్పారు. ఈ సంవత్సరం పెద్దల ఆధ్వర్యంలో సుమారు 70 మంది ఎస్సీ కాలనీ నుండి పాదయాత్రగా శ్రీశైలం వెళుతున్నట్లు కాలనీవాసులు తెలియజేశారు. ఈ కార్యక్రమంలో తప్పిడి వీరేష్, మురళి,ముత్తయ్య హనుమంతు, సినిమా మంగన్న, ఉలిగేష్, శీను తప్పిడి మల్లి,రాజు , సోమప్ప,దేవప్ప, మల్లికార్జున తదితరులు పాల్గొన్నారు.
About Author
