శ్రీశైలం హుండీ ఆదాయం రూ. 2.62 కోట్లు !

ప‌ల్లెవెలుగువెబ్ : శ్రీశైల భ్రమరాంబ, మల్లికార్జునస్వామికి భక్తులు సమర్పించిన హుండీ కానుకలను శుక్రవారం లెక్కించారు. నగదు రూపేణా రూ. 2,62,74,717 లభించినట్లు అధికారులు తెలిపారు. అలాగే విదేశీ కరెన్సీ కూడా వచ్చిందన్నారు. ఈ కానుకలను భక్తులు 38 రోజులలో సమర్పించారు. పటిష్ఠమైన భద్రత మధ్య హుండీలను నిర్వహించారు. శ్రీశైలంలో ఈ నెల 22వ తేదీ నుంచి మార్చి 4వ తేదీ వరకు మహా శివరాత్రి బ్రహ్మోత్సవాలు జరగనున్నాయి. మార్చి 1న మహాశివరాత్రి పర్వదినాన్ని పురస్కరించుకుని రుద్రాభిషేకం, లింగోద్భవం, రాత్రి పాగాలంకరణ, కల్యాణోత్సవం, 2న రథోత్సవం, తెప్పోత్సవం నిర్వహిస్తారు.

About Author

pvnews

See author's posts