రంగస్థల కళాకారుల కార్యవర్గ సమావేశం
1 min read
పల్లెవెలుగు వెబ్ కర్నూలు: కర్నూలు జిల్లా రంగస్థల కళాకారుల సంక్షేమ సంఘం కార్యవర్గ సమావేశం ఈరోజు ఉదయం కర్నూలు నగరం నందలి మద్దూర్ నగర్ లో గల సూరన్న తోట లో కర్నూలు కళాకారుల ప్రధాన సమస్యలపై అధ్యక్షులు జి అంకయ్య ఏర్పాటుచేసిన సమావేశంలో కర్నూలు జిల్లా రంగస్థల కళాకారుల సంక్షేమ సంఘం నూతన హార్మోనియం బాక్సును దాతల సహకారంతో కళాకారుల కొరకు ఏర్పాటు చేయడం జరిగిందని అన్నారు. ఈనెల మూడో వారం నందు రంగస్థల కళాకారుల చేత సూరన తోటలో రంగస్థల నాటకం పంచమాంకములు రంగస్థల కళాకారుల కొరకు ప్రదర్శించడం జరుగుతుందని ప్రధాన కార్యదర్శి పి హనుమంతరావు చౌదరి తెలిపారు. కార్యవర్గ సభ్యుల అభిప్రాయాలను పరిగణనలోకి తీసుకుని వచ్చి తమ వంతు రంగస్థల కళాకారుల కొరకు కృషి చేస్తామని నిర్వాహక కార్యదర్శి బైలుప్పల షఫీయుల్లా అన్నారు. రంగస్థల కళాకారుల కొరకు ఏర్పాటు చేస్తున్న పంచమాంకములు నిర్వహణకు తన వంతు ఆర్థిక సహకారం అందజేస్తామని ఉపాధ్యక్షులు పి దస్తగిరి గారు అన్నారు. ఈ సమావేశ కార్యక్రమానికి కర్నూలు జిల్లా రంగస్థలం కళాకారులు సభ్యులు కళాప్రియ తిరుపాలు సయ్యద్ రోషన్ అలీ నాగేశ్వరరావు మనోహర్ బాబు పి దస్తగిరి బైలుప్పల షఫీయుల్లా డి పుల్లయ్య కే అరుణకుమారి గోవిందరాజులు చాంద్ బాషా పీజీ వెంకటేశ్వర్లు తదితరులు పాల్గొన్నారు .
About Author
