ప్రకాశం జిల్లాలో వింత: సీతారాముల విగ్రహాల నుంచి కన్నీరు
1 min read
పల్లెవెలుగువెబ్: ప్రకాశం జిల్లాలో వింత ఘటన చోటుచేసుకుంది. కొనకనమిట్ల మండలం మునగపాడు గ్రామంలోని రామాలయంలో సీతారాముల విగ్రహాల కళ్ల నుంచి నీరు కారుతోంది. ఈ విషయం కాస్తా.. ఆ నోటా ఈ నోటా పాకడంతో చుట్టుపక్కల గ్రామాల నుంచి జనాలు భారీగా తరలివచ్చారు. ఈ విషయంపై ఆలయ పూజారి మాత్రం భిన్నంగా స్పందించారు. ఇటీవల సీతారాముల విగ్రహాలను చింతపండు రసంతో కడగడంతో ఇలా నీరు కారుతుందేమోనని అభిప్రాయపడ్డారు. అయితే సీతారాములు ఆగ్రహించడంతోనే విగ్రహాల నుంచి కన్నీరు వస్తుందని.. ఇది గ్రామానికి మంచిది కాదని మునగపాడు వాసులు అభిప్రాయపడ్డారు. సీతారాముల కల్యాణం గత రెండేళ్ల నుంచి జరిపించకపోవటంతోనే రాములవారు ఆగ్రహించారని పేర్కొన్నారు. ఈ ఘటనపై గ్రామస్తులంతా చర్చించుకుని ఈసారి కచ్చితంగా రాములోరి కలాణ్యం జరిపిస్తామని వెల్లడించారు.
About Author
