ఎస్టీయూ వజ్రోత్సవాలను జయప్రదం చేయాలి
1 min read
పల్లెవెలుగువెబ్, పత్తికొండ: ఈ నెల 21, 22, 23 తేదీల్లో ఎస్ టి యు జరుప తలపెట్టిన వజ్రోత్సవాలను జయప్రదం చేయాలని ఎస్టియు రాష్ట్ర కౌన్సిలర్లు సత్యనారాయణ, సుంకన్న పిలుపునిచ్చారు. శుక్రవారం స్థానిక ఎస్టియు ప్రాంతీయ కార్యాలయంలో మండల అధ్యక్షులు చంద్రశేఖర్ రెడ్డి అధ్యక్షతన పత్తికొండ తుగ్గలి మద్దికెర మండలాల ఎస్ టి యు ముఖ్య నాయకుల సమావేశం జరిగింది. ఈ సమావేశానికి ముఖ్య అతిథులుగా హాజరైన కుంపటి సత్యనారాయణ సుంకన్నలు మాట్లాడుతూ ఎస్ టి యు స్థాపించి 75 వసంతాలు పూర్తిచేసుకున్న సందర్భంగా కర్నూలులో వజ్రోత్సవాల ను ఘనంగా నిర్వహించాలని తలపెట్టినట్లు చెప్పారు. ఎస్ టి యు స్వతంత్రం రాక మునుపు నుండి ఉపాధ్యాయ సమస్యలపై అనేక పోరాటాలు నిర్వహించిన ఘనమైన చరిత్ర ఉందని తెలిపారు. బతకలేని బడిపంతులు కోసం ఎన్నో పోరాటాలు నిర్వహించి వేతన సంఘాన్ని తీసుకు వచ్చిన సంఘం ఎస్ టి యూ అని అన్నారు. స్వాతంత్రోద్యమంలో పాల్గొని భారత స్వాతంత్రం కోసం ఎస్ టి యూ పాటు పడిందన్నారు. ఎస్ టి యు ఉపాధ్యాయుల హక్కులకోసం ఎదురులేని పోరాటాలు చేసిందని అన్నారు. ఎస్టియు సుదీర్ఘ పోరాటాల వల్ల ఉపాధ్యాయులకు పెన్షన్ సౌకర్యం పి ఆర్ సి హెచ్ ఆర్ ఎ హెల్త్ ఇన్సూరెన్స్ డి ఏ లు సాధ్యపడిందనిఅన్నారు. అప్రెంటిస్ వ్యవస్థను రద్దు చేయించిన సుదీర్ఘమైన పోరాటాల చరిత్ర ఉన్న సంఘం ఎస్టియు కు ఉందని తెలిపారు. కర్నూలు జిల్లాలో జరుగు ఎస్ టి యు వజ్రోత్సవాల కు రాష్ట్ర వ్యాప్తంగా ఉపాధ్యాయులు హాజరై విజయవంతం చేయాలని వారు కోరారు. ఈ కార్యక్రమంలో ఎస్టియు రాష్ట్ర నాయకులు కొత్తపల్లి, సత్యనారాయణ, రామ్మోహన్ రెడ్డి, రంగస్వామి, బీరప్ప, సీనప్ప, రాతన పేర్లప్ప, సత్తారు వెంకట్రాముడు, లాలూ స్వామి, వీరస్వామి తదితరులు పాల్గొన్నారు.
About Author
