సుబ్ర‌హ్మ‌ణ్యం హత్య కేసు.. సజ్జల పై లోకేష్ ఆరోప‌ణ‌లు
1 min read
ప‌ల్లెవెలుగువెబ్ : డ్రైవర్‌ను హత్య చేసిన వైసీపీ ఎమ్మెల్సీ ఉదయ్ భాస్కర్ (అనంత‌బాబు) సజ్జలను కలిశారని టీడీపీ నేత నారా లోకేష్ ఆరోపించారు. డ్రైవర్‌ను చంపేసి వైసీపీ ఎమ్మెల్సీ పెళ్లిళ్లకు తిరుగుతున్నారని… కానీ పోలీసులు మాత్రం అరెస్ట్ చేయడం లేదని మండిపడ్డారు. ఎమ్మెల్సీ ఉదయ్ భాస్కర్‌ను 24 గంటల్లో అరెస్ట్ చేయాలని… లేకుంటే రాష్ట్ర వ్యాప్తంగా ఉద్యమం చేస్తామని హెచ్చరించారు. ఇన్నాళ్లు ప్రజలను, టీడీపీ నేతలను వేధించిన జగన్ ప్రభుత్వం.. ఇప్పుడు సొంత పార్టీ కార్యకర్తలనూ వేధిస్తోందని ఆగ్రహించారు. రాష్ట్రంలో ప్రశ్నిస్తే కేసులు పెట్టి వేధిస్తున్నారన్నారు. ఉదయ్ భాస్కర్‌పై కేసు పెట్టడానికి తాత్సారం చేస్తున్నారని మండిపడ్డారు. గంజాయి సరఫరాలో ఉదయ్‌భాస్కర్ ప్రధాన భూమిక పోషిస్తున్నారని ఆరోపించారు. ఇంత జరుగుతుంటే సజ్జల ఏం చేస్తున్నారని లోకేష్ ప్రశ్నించారు.
About Author
