NEWSNEDU

NEWSNEDU | Telugu Latest News | KURNOOL AP

ధన్వంతరి హోమంలో పాల్గొన్న టీ.జీ. భరత్

1 min read

పల్లెవెలుగు వెబ్ కర్నూలు: కర్నూలు నగరంలోని దేవాదాయ ధర్మాదాయ శాఖ, జిల్లా గోరక్షణ మహా సంఘం గోశాలలో ప్రపంచ ఆర్యవైశ్య మహాసభ మహిళా విభాగం ఆధ్వర్యంలో ఏర్పాటుచేసిన ధన్వంతరి హోమంలో కర్నూల్ అసెంబ్లీ తెలుగుదేశం పార్టీ ఇంచార్జ్ టీజీ భరత్ పాల్గొన్నారు. ఈ సందర్భంగా గోశాలలో జరిగిన ధన్వంతరి హోమం చుట్టూ అందరితో కలిసి ఆయన ప్రదక్షిణ చేశారు. ఈ కార్యక్రమంలో ప్రపంచ ఆర్యవైశ్య మహాసభ మహిళా విభాగం నాయకురాలు ఇల్లూరు రాజ్యలక్ష్మి, బైసాని పద్మజ తదితరులు పాల్గొన్నారు. ఈ సందర్భంగా కర్నూల్ అసెంబ్లీ తెలుగుదేశం పార్టీ ఇంచార్జ్ టీజీ భరత్ మాట్లాడుతూ ప్రజల ఆరోగ్యాన్ని కాంక్షిస్తూ ప్రపంచ ఆర్యవైశ్య మహాసభ మహిళా విభాగం ఆధ్వర్యంలో ధన్వంతరి హోమాన్ని ఏర్పాటు చేయడం అభినందనీయమని చెప్పారు. గోశాలలో ఏర్పాటుచేసిన ధన్వంతరి హోమం వల్ల ప్రజలందరూ ఆయురారోగ్యాలతో జీవించాలని ఆయన ఆకాంక్షించారు. అనంతరం ప్రపంచ ఆ ర్యవైశ్య మహాసభ మహిళా విభాగం నాయకురాలు ఇల్లూరు రాజ్యలక్ష్మి మాట్లాడుతూ ప్రజల ఆరోగ్యానికి కాంక్షిస్తూ గోశాలలో తాము ధన్వంతరి హోమాన్ని మూడవసారి నిర్వహించామని చెప్పారు. ఈ హోమంలో యువ పారిశ్రామికవేత్త టీజీ భరత్ పాల్గొనడం ఆనందంగా ఉందని చెప్పారు. తాము చేపట్టే కార్యక్రమాలకు యువనేత టీజీ భరత్ అందిస్తున్న సహకారం మరువలేనిదని చెప్పారు.

About Author