‘ ఆరోగ్యశ్రీ’ని సద్వినియోగం చేసుకోండి
1 min read
– ప్రభుత్వ చీఫ్ విప్ శ్రీకాంత్ రెడ్డి
పల్లెవెలుగు రాయచోటి : పేదలకు కార్పొరేట్ స్థాయిలో వైద్యం అందించాలన్న లక్ష్యంతో సీఎం వైఎస్ జగన్మోహన్ రెడ్డి కృషి చేస్తున్నారని ప్రభుత్వ చీఫ్ విప్ శ్రీకాంత్ రెడ్డి అన్నారు. రాష్ట్ర ప్రభుత్వం అమలు చేస్తున్న ఆరోగ్య శ్రీ పథకాన్ని ప్రతిఒక్కరూ సద్వినియోగం చేసుకోవాలని సూచించారు. శుక్రవారం రాయచోటిలోని అమరావతి ఆరోగ్యశ్రీ ఆస్పత్రిని సందర్శించారు. ఆరోగ్యశ్రీ ద్వారా సేవలు ఎలా అందుతున్నాయో అడిగి తెలుసుకున్నారు. ఈ సందర్భంగా విప్ శ్రీకాంత్ రెడ్డి మాట్లాడుతూ వైఎస్ఆర్ ఆసరా ద్వారా సర్జరి చేసుకున్న రోగి కోలుకునే వరకు ఆర్థికంగా ఇబ్బంది పడరాదన్న ఉద్దేశంతో రోజుకు రూ.225 చొప్పున నెలకు రూ. 5వేలు రోగి ఖాతాలో జమ అవుతుందన్నారు. అంతేకాక సాధారణ కాన్పుకి రూ.5వేలు, సిజేరియన్కు రూ.3వేలు, యాక్సిడెంట్లో ఎముకలు విరిగిన వారికి రూ. 10వేలు , అపెండిక్స్ కు రూ. 5వేలు … ఇలా వైఎస్సార్ ఆసరా ద్వారా అందిస్తోందన్నారు. అనంతరం ప్రభుత్వ విప్ శ్రీకాంత్ రెడ్డిని ఆస్పత్రి యాజమాన్యం సన్మానించింది.
కార్యక్రమంలో ఎంపీడీఓ సురేష్ బాబు, ఎమ్మెల్సీ జాకియా ఖానం, రాయచోటి డిఎస్పి శ్రీధర్ ,మునిసిపల్ చైర్మన్ ఫయాజ్ భాష, సిఐలు రాజు ,రూరల్ సీఐ లింగప్ప మరియువైఎస్సార్ సిపి రాష్ట్ర ప్రచార కార్యదర్శి రవి రాజు. మాజీ జెడ్పిటిసి దేవ నాథ్ రెడ్డి , ఆర్ టి యు గౌరవ అధ్యక్షుడు కోండూరు శ్రీనివాస రాజు, అమరావతి హస్పిటల్ మేనేజింగ్ డైరెక్టర్ కోండూరు ప్రవీణ్ రాజు తదితరులు పాల్గొన్నారు.
About Author
