చంద్రబాబు అరెస్టుపై టిడిపి కార్యకర్త మృతి
1 min read
-మృతదేహానికి నివాళులు అర్పించిన గౌరు
పల్లెవెలుగు వెబ్ మిడుతూరు: తెలుగుదేశం పార్టీ జాతీయ నాయకులు మరియు మాజీ ముఖ్యమంత్రి నారా చంద్రబాబు నాయుడును శుక్రవారం తెల్లవారుజామున నంద్యాలలో పోలీసులు అరెస్టు చేసిన సంగతి తెలిసిందే. చంద్రబాబును పోలీసులు అరెస్ట్ చేశారన్న విషయం తెలుసుకున్న టిడిపి సీనియర్ నేత గుండెపోటుతో మృతి చెందిన సంఘటన మండలంలో చోటుచేసుకుంది.మండల పరిధిలోని నాగలూటి గ్రామానికి చెందిన టిడిపి సీనియర్ నాయకులు పింజరి చిన్న మాసుం(83)ఆదివారం ఇంట్లో టీవీ చూస్తుండగా చంద్రబాబుకు బెయిల్ వస్తుందో రాదోననే భయంతో మ.12 గంటలకు గుండెపోటుతో మృతి చెందినట్లు కుటుంబ సభ్యులు తెలిపారు.ఈయనకు ముగ్గురు కుమార్తెలు ఒక కుమారుడు బాబుసా ఉన్నారు.విషయం తెలుసుకున్న టిడిపి నందికొట్కూరు నియోజకవర్గ ఇన్చార్జి గౌరు వెంకటరెడ్డి,మిడుతూరు టిడిపి మండల కన్వీనర్ కాత రమేష్ రెడ్డి,టిడిపి రాష్ట్ర ఎస్సీ సెల్ కార్యదర్శి గిత్త జయసూర్య, నాగాలూటి టిడిపి నాయకులు సంపంగి రవీంద్రబాబు శనివారం సాయంత్రం ఇంటికి వెళ్లి మృతి చెందిన చిన్న మాసుం కు పూల మాలలు వేసి నివాళులు అర్పించారు. కుటుంబ సభ్యులకు నేను అండగా ఉంటానని గౌరు వెంకటరెడ్డి వారికి ధైర్యం చెప్పారు.ముందుగా మిడుతూరులోని కాత రమేష్ రెడ్డి స్వగృహంలో కార్యకర్తలతో గౌరు వెంకటరెడ్డి సమావేశం అయ్యారు.ఈ కార్యక్రమంలో కాత రామచంద్రారెడ్డి,బుసగౌడు,చాంద్ బాష,లక్ష్మీనారాయణ,ఐటిడిపి మండల కన్వీనర్ ఇంతియాజ్,రంగస్వామి తదితరులు పాల్గొన్నారు.
About Author
