22వ రోజు కొనసాగిన టిడిపి రిలే నిరాహార దీక్షలు
1 min read
పల్లెవెలుగు వెబ్ పత్తికొండ: పత్తికొండ నియోజకవర్గ టిడిపి ఇంచార్జి కే.ఈ.శ్యామ్ కుమార్ ఆధ్వర్యంలో 22 వ రోజు కొనసాగాయి. సైకో జగన్మోహన్ రెడ్డి కక్షపూరితంగా తెలుగుదేశంపార్టీ జాతీయ అధ్యక్షులు మాజీ ముఖ్యమంత్రివర్యులు శ్రీ నారా చంద్రబాబునాయుడును అక్రమంగా అరెస్ట్ చేసి రిమాండ్ కు తరలించడాన్ని ఖండిస్తూ బాబుకి తోడుగా… ఒక్క నియంతపై పోరాటం కోసం మేము సైతం అంటూ నందమూరి బాలకృష్ణ ఫ్యాన్స్ అభిమాన సంఘం అధ్యక్షుడు సింగం శ్రీనివాసులు అధ్యక్షతన అభిమానులు రిలే నిరాహార దీక్షలు చేపట్టారు. నారా చంద్రబాబు నాయుడు అరెస్టును నిరసిస్తూ, స్థానిక నాలుగు స్తంబాల కూడలి లో నందమూరి బాలకృష్ణ అభిమానులు మోకాళ్లపై నిల్చొని అర్ధనగ్న ప్రదర్శన నిర్వహించి, నిరసన తెలియజేశారు. అనంతరం రిలే నిరాహార దీక్షలో 22 వరోజు నందమూరి బాలకృష్ణ అభిమాన సంఘం రీలే నిరాహారదీక్ష శిబిరం వద్ద దీక్షలు చేపడుతున్న వారికీ సంఘీభావం ప్రకటించారు. రిలే నిరాహార దీక్షలో బాలకృష్ణ అభిమాన సంఘం నాయకులు సోమ్లా నాయక్, రంగస్వామి, వినయ్ తుల్లా, పత్తికొండ నియోజకవర్గం తెలుగుదేశం పార్టీ ముఖ్య నాయకులు కే సాంబశివారెడ్డి రామానాయుడు, మనోహర్ చౌదరి, అశోక్ కుమార్, తిరుపాలు, సంజప్ప హోసూరు, పెద్దహుల్తి, నలగదొడ్డి మాజీ సర్పంచులు శ్రీనివాసులు తిప్పన్నా, బత్తిని లోకనాథ్, కే సాంబశివారెడ్డి, లక్ష్మీనారాయణ చౌదరి, మాజీ జెడ్పిటిసి సభ్యులు శ్రీనివాసులు, మాజీ జిల్లా పరిషత్ చైర్మన్ బత్తిని వెంకట్రాముడు, సురేంద్ర, శ్రీధర్ రెడ్డి, బిటి గోవిందు, శ్రీనివాసులు గౌడ్, గోవిందు గౌడుతో పాటు కార్యకర్తలు పెద్ద ఎత్తున పాల్గొన్నారు.
About Author
