విజ్ఞాన పీఠంలో ఘనంగా ఉపాధ్యాయ దినోత్సవం
1 min read
పల్లెవెలుగు వెబ్ కర్నూలు: విద్యార్థులందరూ విద్య తో పాటు జాతీయ భావనను పెంచుకొని దేశభక్తులుగా మారాలి ,వ్యక్తిత్వాన్ని పెంచుకొని మంచి పౌరులుగా మారాలని విజ్ఞానపీఠం కార్యదర్శి శ్రీ పీపీ గురుమూర్తిగారు తెలియజేశారు. ఉపాధ్యాయ దినోత్సవ సందర్భంగా విజ్ఞానపీఠం ఎయిడెడ్ ఉన్నత పాఠశాలలో జరిగిన కార్యక్రమంలో ముఖ్య వక్తగా శ్రీ గురుమూర్తిగారు ప్రసంగించారు .ముందుగా డాక్టర్ సర్వేపల్లి రాధాకృష్ణ గారి చిత్రపటానికి పుష్పమాలలు వేసి వారికి ఘనమైన నివాళులు అర్పించారు .ఉపాధ్యాయ దినోత్సవ సందర్భంగా ఆదోనికి చెందిన ప్రముఖ రిటైర్డ్ తెలుగు పండిట్ శ్రీ బాలకొండప్ప గారిని ఘనంగా సత్కరించారు. గత 40 సంవత్సరాలుగా ఆదోనిలో ఉంటూ కేవలం ఉపాధ్యాయుడుగా మాత్రమే కాక అనేక సామాజిక సేవ, ధార్మిక కార్యక్రమాలలో ముందుండి నడిపిన శ్రీ బాలకొండప్ప గారిని ఉపాధ్యాయులందరూ ఘనంగా సన్మానించారు. ఈ కార్యక్రమంలో విశ్వహిందూ పరిషత్ రాష్ట్ర నాయకులు శ్రీ సందడి మహేశ్వర్ గారు పాల్గొని ప్రసంగించారు .ఈ కార్యక్రమంలో శ్రీ చంద్రమోహన్ ,శ్రీ రామిరెడ్డి, శ్రీ నాగేశ్వర్ రెడ్డి ,శ్రీమతి స్వర్ణలత, శ్రీ సోమయ్య, శ్రీ వంశీ రాఘవ, శ్రీ మురళి , శ్రీ రాజశేఖర్ రెడ్డి ,హిమాయత్ కుమార్ తదితరులు పాల్గొన్నారు.
About Author
