స‌లాం చేయ‌లేద‌ని చెంపదెబ్బ కొట్టిన తెలంగాణ ఎమ్మెల్యే ?!
1 min read
పల్లెవెలుగు వెబ్: స‌లాం చేయ‌లేద‌ని హైద‌రాబాద్ లోని చార్మినార్ ఎమ్మెల్యే ముంతాజ్ ఖాన్ త‌న‌ను చెంపదెబ్బ కొట్టాడంటూ ఓ వ్యక్తి పోలీసులకు ఫిర్యాదు చేశాడు. చార్మినార్ పాత బ‌స్టాంట్ స‌మీపంలోని త‌న నివాసం వ‌ద్ద గులాం గౌస్ జిలానీ కూర్చున్నాడు. అదే స‌మ‌యంలో ఇంటికి వెళ్తున్న చార్మినార్ ఎమ్మెల్యే ముంతాజ్ ఖాన్ కారు దిగివ‌చ్చి త‌న‌ను స‌లాం చేయ‌లేద‌ని కొట్టాడంటూ ఫిర్యాదులో పేర్కొన్నాడు. అయితే బాధితుడు, ఎమ్మెల్యే మ‌ధ్య వివాదం జ‌రిగిన త‌ర్వాత చెంపదెబ్బ కొట్టిన‌ట్టు సీసీటీవీ దృశ్యాల్లో నమోదైంది. బాధితుడి ఫిర్యాదు స్వీక‌రించిన పోలీసులు కేసు న‌మోదు చేసుకుని ద‌ర్యాప్తు చేస్తున్నారు.
About Author
