NEWSNEDU

NEWSNEDU | Telugu Latest News | KURNOOL AP

బోధ‌న్ లో ఉద్రిక్తత‌.. పోలీసుల పై రాళ్లు !

1 min read

ప‌ల్లెవెలుగువెబ్ : నిజామాబాద్‌ జిల్లాలోని బోధన్‌లో ఉద్రిక్త వాతావరణం చోటుచేసుకుంది. నగరంలోని అంబేద్కర్‌ చౌరస్తాలో శివాజీ విగ్రహ ఏర్పాటు ఇరు వర్గాల మధ్య గొడవకు దారి తీసింది. విగ్రహం తొలగించాలని ఓ వర్గం డిమాండ్ చేయడంతో ఉద్రికత్త నెలకొంది. శనివారం అర్దరాత్రి శివసేన ఆధ్వర్యంలో శివాజీ విగ్రహం ఏర్పాటు చేశారు. దీంతో విగ్రహ ప్రతిష్ట చేయడంపై ఓ వర్గం నాయకులు అభ్యంతరం వ్యక్తం చేశారు. విగ్రహం తొలగించాలని డిమాండ్ చేశారు. ఆందోళనకారులు పరస్పర వ్యతిరేక నినాదాలు చేసుకుంటూ రోడ్లపైకి వచ్చారు. ఈ క్రమంలోనే స్థానిక నాయకులు, ప్రజలు అక్కడికి భారీగా చేరుకోవడంతో ఉద్రిక్తత వాతావరణం చోటుచేసుకుంది. వెంటనే పోలీసులు రంగ ప్రవేశం చేసి ఆందోళనకారులను అడ్డుకున్నారు. పోలీసులు ఇరువర్గాలకూ నచ్చజెప్పే ప్రయత్నం చేశారు. కానీ, వారు అదేమీ పట్టించుకోకుండా నినాదాలు చేశారు. ఆందోళనకారులు పోలీసులపైకి రాళ్లు విసరడంతో పరిస్థితి మరింత ఉద్రిక్తంగా మారింది.

                                      

About Author