కర్నూలులో…ఉద్రిక్తత..
1 min read
ఆరోపణలపై చర్చకు రావాలని… లోకేష్కు సవాల్ విసిరిన ఎమ్మెల్యే హఫీజ్ఖాన్
- యువగళం పాదయాత్రను అడ్డుకునేందుకు యత్నించిన ఎమ్మెల్యే
- అరెస్టు చేసిన టు టౌన్ పోలీసులు..
పల్లెవెలుగు:భూకబ్జా చేశానంటూ… తనపై ఆరోపణలు చేసిన నారాలోకేష్… చర్చకు సిద్ధమా.. అని సవాల్ విసిరారు కర్నూలు ఎమ్మెల్యే ఎంఏ హఫీజ్ఖాన్. సోమవారం ఎస్టీబీసీ కళాశాల మైదానం నుంచి పాదయాత్ర ప్రారంభించిన నారాలోకేష్… మున్సిపల్ రోడ్డు, పాత బస్టాండ్ మీదుగా ఉస్మానియా కళాశాల వైపు నడుస్తున్నారు. మార్గమధ్యలో 10వ వార్డు పరిధిలో ఎమ్మెల్యే ఎంఏ హఫీజ్ఖాన్ తనపై ఆరోపణలు చేసిన నారా లోకేష్ …నిరూపించి వెళ్లాలని డిమాండ్ చేస్తూ… ఖురాన్ పట్టుకుని రోడ్డుపై నిరసనకు దిగారు. బుధవార పేటలో సర్వే నంబరు 219/ఏలో, దిన్నెదేవరపాడులో సర్వేనెంబరు 19లో రూ.600 కోట్లు విలువ చేసే భూమిని కబ్జా చేశానని తనపై తీవ్రమైన ఆరోపణలు చేసిన నారాలోకేష్… నిరూపించి వెళ్లాలని రోడ్డుపై బైఠాయించారు. యువగళం పాదయాత్ర సమీపిస్తున్న తరుణంలో.. టు టౌన్ పోలీసులు ఎంత చెప్పినా వినని ఎమ్మెల్యే, ఆయన అనుచరులను అరెస్టు చేశారు. ఆ సమయంలో తీవ్ర ఉద్రిక్తత చోటు చేసుకుంది.
About Author
