కృతజ్ఞతాభిమానం..
1 min read
వైఎస్సార్ విగ్రహం వద్ద నినాదాలు చేస్తున్న వైసీపీ శ్రేణులు, విజేతలు
పల్లెవెలుగు వెబ్, కర్నూలు:కర్నూలు కొండారెడ్డి బురుజుపై వైసీపీ జెండా రెపరెపలాడటంతో వైసీపీ శ్రేణుల సంబరాలు అంబరాన్నంటాయి. కర్నూలు కార్పొరేషన్ పరిధిలో ( పాణ్యం, కోడుమూరు) మొత్తం 52 వార్డులకు ఎన్నికలు నిర్వహించగా.. 41 వైసీపీ, 8 టీడీపీ, ముగ్గురు ఇండిపెండెంట్ అభ్యర్థులు విజయం సాధించారు. ఈ సందర్భంగా వైసీపీ రాష్ర్ట అదనపు కార్యదర్శి తెర్నెకల్ సురేంద్ర రెడ్డి, నగర అధ్యక్షుడు రాజావిష్ణువర్ధన్ రెడ్డి ఆధ్వర్యంలో విజేతలు కటార పల్లవి, మునెమ్మ, కృష్ణకాంత్ రెడ్డి దివంగత నేత డా. వైఎస్సార్ విగ్రహానికి పూలమాల వేసి నివాళులర్పించారు. అనంతరం తెర్నేకల్ సురేంద్ర రెడ్డి మాట్లాడుతూ తండ్రి బాటలో పయనిస్తూ.. ప్రజలకు సుపరిపాలన అందిస్తున్న సీఎం వైఎస్ జగన్మోహన్ రెడ్డిని మరోసారి ప్రజలు ఆదరించారన్నారు. కార్యక్రమంలో వైసీపీ నాయకులు, కార్యకర్తలు తదితరులు పాల్గొన్నారు.
About Author
