రైతుకు వ‌జ్రం దొరికింది.. రాత్రికి రాత్రే కోటీశ్వ‌రుడయ్యాడు !

ప‌ల్లెవెలుగువెబ్ : మ‌ధ్య ప్ర‌దేశ్ లో ఓ రైతు రాత్రికిరాత్రే ల‌క్షాధికారి అయ్యాడు. ప‌న్నా జిల్లాలో ప్రతాప్ సింగ్ అనే రైతు ఓ భూమిని లీజుకు తీసుకుని మూడు నెలలుగా వజ్రాల కోసం తవ్వుతున్నాడు. ఈ క్రమంలో తాజాగా ఆయనకి 11.88 క్యారెట్ల వజ్రం దొరికింది. దీని ధ‌ర రూ. 50 ల‌క్ష‌లు ప‌లికే అవ‌కాశం ఉంద‌ని అధికారులు తెలిపారు. ఈ విషయాన్ని వజ్రాల కార్యాలయం అధికారి రవి పటేల్ తెలిపారు. ఈ వజ్రం ఎంతో నాణ్యంగా ఉందని అధికారులు.. ప్రతాప్‌కు శుభవార్త చెప్పారు. వజ్రాలకు పేరుగాంచిన మధ్యప్రదేశ్‌లోని పన్నా జిల్లాలో జరిగిందీ ఘటన. మూడు నెలల కష్టానికి ప్రతిఫలం దక్కిన రైతు ప్రతాప్ సింగ్ యాదవ్ మాట్లాడుతూ.. తనకు దొరికిన వజ్రాన్ని డైమండ్ కార్యాలయంలో అప్పగించానని, వేలంలో వచ్చిన డబ్బుతో ఏదైనా వ్యాపారం పెట్టుకుంటానని పేర్కొన్నాడు. అలాగే, తన పిల్లల చదువుల కోసం కొంత ఖర్చు చేస్తానని చెప్పుకొచ్చాడు.

About Author

pvnews

See author's posts