టీడీపీతోనే ..యువతకు భవిష్యత్తు :సతీష్
1 min read
పల్లెవెలుగు వెబ్, ఆస్పరి: రాష్ట్రంలో యువతకు టిడిపి తోనే భవిష్యత్తు ఉంటుందని వైసీపీ పాలనలో యువతకు భవిష్యత్తు అంధకారంలో ఉందని టిడిపి యువ నాయకుల సతీష్ కుమార్ పేర్కొన్నారు. ఆదివారం మండల కేంద్రమైన ఆస్పరిలో టిడిపి గ్రామ కమిటీ అధ్యక్షులు వీరేష్,తాలూకా తెలుగు యువత నాయకులు వెంకటేష్ ఆధ్వర్యంలో విలేకరుల సమావేశం నిర్వహించారు ఈ సందర్భంగా వారు మాట్లాడుతూ రాష్ట్రంలో వైసిపి ప్రభుత్వం ఉద్యోగ,ఉపాధి అవకాశాలులేక నిరుద్యోగ యువత భవిష్యత్తును అంధకారం చేస్తున్నారన్నారు. నిరుద్యోగ భృతి ని ఆట కెక్కించి ప్రభుత్వ ఉద్యోగాల భర్తీకి నోటిఫికేషన్లు ఎప్పుడు వెలువడతాయో తెలియక నిరుద్యోగులు తీవ్ర ఆవేదనకు గురవుతున్నారని తెలిపారు.జాబ్ క్యాలెండర్ లో పేర్కొన్న ప్రకారం ఈ ఉద్యోగాల భర్తీ కోసం నోటిఫికేషన్ల జారీకి రాష్ట్ర ప్రభుత్వం నిర్దేశించిన గడువు దాటి నెలలు గడిచిపోతున్న ఫలితం కనిపించకపోవడంతో లక్షల మంది నిరుద్యోగులు ఆందోళన చెందుతున్నారు. తక్షణమే రాష్ట్ర ప్రభుత్వం నిరుద్యోగులకు జాబు క్యాలెండర్లో పేర్కొన్న విధంగా ఉద్యోగాలను భక్తి చేయాలని లేని పక్షంలో పెద్ద ఎత్తున ఆందోళన చేపడుతామని హెచ్చరించారు.ఈ కార్యక్రమంలో తెలుగు యువత మండల ఉపాధ్యక్షుడు మారేష్,జూనియర్ ఎన్టీఆర్ సేవా సమితి అధ్యక్షుడు వీరేష్,తెలుగు యువత నాయకులు గోవర్ధన్,లక్ష్మణ్,రాము,తదితరులు పాల్గొన్నారు.
About Author
