ఆర్టీసీ బస్సు కింద పడి బాలికకు తీవ్ర గాయాలు
1 min read
పల్లెవెలుగు వెబ్, పత్తికొండ: కర్నూలు జిల్లా పత్తికొండ పట్టణంలోని అంబేద్కర్ సర్కిల్లో మంగళవారం ప్రమాదవశాత్తు ఆర్టీసీ బస్సు కింద పడి ఓ బాలికకు తీవ్రగాయాలయ్యాయి. బాలిక మోటార్ బైక్ పై వెళ్తుండగా కర్నూలు వైపు నుండి వస్తున్న ఆర్టీసీ బస్సు (ఏపీ 28 జెడ్ 5249) బైక్ ను ఢీ కొంది. దీంతో బాలిక బస్సు కింద పడింది. బాలిక ఓ కాలిపై నుండి బస్సు టైరు వెళ్లడంతో తీవ్రంగా గాయపడింది. స్థానికులు స్పందించి బాలికను బయటికి తీశారు. గాయపడిన బాలికను వెంటనే వైద్యం కోసం కర్నూలు ప్రభుత్వ ఆసుపత్రికి తరలించారు. ఘటనా స్థలిని పరిశీలించిన పోలీసులు కేసు నమోదు చేసి దర్యాప్తు చేస్తున్నారు.
About Author
