మహానేత వైఎస్సార్..చిరస్మరణీయుడు
1 min read
ప్రభుత్వ ఆసుపత్రిలో రోగులకు పండ్లు పంపిణీ చేసిన ఎమ్మెల్యే గడికోట శ్రీకాంత్ రెడ్డి
పల్లెవెలుగు, అన్నమయ్య జిల్లా బ్యూరో:దివంగత నేత ఉమ్మడి ఆంధ్రప్రదేశ్ ముఖ్యమంత్రి రాజశేఖర్ రెడ్డి ఆశీస్సులు తెలుగు ప్రజల పై ఎల్లప్పుడూ ఉండాలని అదే విదంగా మా నాయకుడు జగన్మోహన్ రెడ్డి పై దీవెనలు అందించాలని మనస్పూర్తిగా కోరుకొంటున్నానని ఎమ్మెల్యే గడికోట శ్రీకాంత్ రెడ్డి అన్నారు. అన్నమయ్య జిల్లా రాయచోటి లో ఘనంగా ఉమ్మడి ఆంధ్రప్రదేశ్ ముఖ్యమంత్రి దివంగత నేత మహానేత డాక్టర్ వైఎస్ రాజశేఖర్ రెడ్డి 14 వ వర్ధంతి వేడుకలు ఘనంగా నిర్వహించారు .పట్టణంలో వైఎస్సార్ సిపి కార్యాలయంలో వైఎస్సార్ చిత్రపటానికి పూలమాల వేసి వైకాప నాయకులతో, కార్యకర్తలతో కలిసి నివాళులర్పించారు ఎమ్మెల్యే గడికోట శ్రీకాంత్ రెడ్డి.అదే విదంగా బస్టాండ్ సర్కిల్ నందు నున్న వైఎస్సార్ విగ్రహానికి మున్సిపల్ చైర్మన్ షేక్ ఫయాజ్ బాషా పూలమాల వేసి శ్రద్దాంజలి ఘటించారు .అన్నమయ్య జిల్లా వైకాప విభాగం మైనార్టీ అధ్యక్షులు అధ్వర్యంలో ఆసుపత్రి ప్రాంగణంలో అన్నదానం కార్యక్రమాన్ని గడికోట శ్రీకాంత్ రెడ్డి ప్రారంబించారు .ఆసుపత్రిలో రోగులకు పండ్లను పంచిపెట్టారు .ఈ సందర్బంగా వారు మాట్లాడుతు దివంగత నేత వైఎస్సార్ మరణించి 14 ఏండ్లు అవుతున్నప్పటికీ రెండు తెలుగు రాష్ట్రల ప్రజల్లో గుండెల్లో చిరస్థాయిగా నిలిచినా మహోన్నతమైన వ్యక్తి వైఎస్సార్ అని అన్నారు .బడుగు బలహీన వర్గాల ప్రజల అభివృద్దికి సంక్షేమానికి కృషి చేశారన్నారు .అనారోగ్యం బారినపడి వైద్యం కోసం ఇబ్బందులు పడే వారి కోసం ఆరోగ్య శ్రీ ద్వారా ఎంతో మందికి ప్రాణాదాత అయ్యారన్నారు .రాయచోటి ప్రజలకు చిరకాల కోరిక వెలిగల్లు జలాశయం ద్వారా దాహార్తిని తీర్చి నిటి ప్రదాత అయ్యారన్నారు .ఈ కార్యక్రమంలో మున్సిపల్ వైస్ చైర్మన్ ఫయజూర్ రహ్మాన్ ,వ్యవసాయ కమిటి చైర్మన్ వండాడి వెంకటేశ్వర్లు ,వైస్ చైర్మన్ తబ్రేజ్ ఖాన్ ,మదనపల్లె అసెంబ్లీ పరిశిలకులు హబీబ్ ఖాన్ ,మాజీ ఎం పి పి పోలు సుబ్బా రెడ్డి మున్సిపల్ కౌన్సలర్లు ,కో అప్సన్ సభ్యులు ,వైకాప నాయకులు ,కార్యకర్తలు ,అభిమానులు తదితరులు పాల్గొన్నారు.
About Author
