విద్యార్థుల సమస్యల పరిష్కారమే.. ఏఐఎస్​ఎఫ్​ ధ్యేయం..

పల్లెవెలుగు వెబ్​, పత్తికొండ :  ఏఐఎస్ఎఫ్ 48వ ఆవిర్భావ దినోత్సవం సందర్భంగా డిసెంబర్ 3 4 5 తేదీలలో జరుగు కార్యక్రమాలను జయప్రదం చేయాలని పలుపునిచ్చారు ఆ యూనియన్​ నాయకులు.  సోమవారం స్థానిక అంబేద్కర్ సర్కిల్ నుండి నాలుగు స్తంభాల మీదుగా తేరు బజారు గెస్ట్ హౌస్ జూనియర్ కళాశాల వరకు మోటార్ బైక్ ల తో ప్రచార ర్యాలీ చేపట్టారు. ఆవిర్భావ దినోత్సవాన్ని జయప్రదం చేయాలని కోరుతూ నినాదాలు చేస్తూ విద్యార్థులు పెద్ద సంఖ్యలో ప్రచార హోరు చేశారు. ఈ సందర్భంగా నాయకులు మాట్లాడుతూ ఏఐఎస్ఎఫ్ ఆవిర్భవించి 48 సంవత్సరాలు కావస్తుందని ఈ సుదీర్ఘ కాలంలో విద్యార్థుల సమస్యల కోసం ఏఐఎస్ఎఫ్ అలుపెరగని పోరాటం చేసిందని అన్నారు. విద్యార్థి సమస్యల పరిష్కారం కోసం ఎన్నో త్యాగాలను చేసిందని వారు చెబుతున్నారు. భవిష్యత్తులో విద్యార్థుల సమస్యల పట్ల ఏఐఎస్ఎఫ్ ముందుండి పోరాటాలు చేస్తుందని పేర్కొన్నారు.

About Author

PALLEVELUGU

See author's posts