సూపర్‌‌స్టార్‌‌ నోటీస్‌ వచ్చింది

సినిమా డెస్క్​ : సూపర్ స్టార్ మహేష్ బాబు నటిస్తున్న లేటెస్ట్ మూవీ ‘సర్కారు వారి పాట’ పై బోలెడన్ని అంచనాలు పెట్టుకున్నారంతా. పోయినేడు ‘సరిలేరు నీకెవ్వరు’ తర్వాత ఇప్పుడు మళ్లీ సంక్రాంతికే వస్తా అంటున్నారు మహేష్​. ఈ సినిమాతో మరోసారి బాక్సాఫీస్ వద్ద దుమ్ములేపుతాడని అభిమానులు భావిస్తున్నారు. ఇప్పటికే విడుదల చేసిన ప్రీ లుక్ – మోషన్ పోస్టర్స్ మంచి స్పందన తెచ్చుకున్నాయి. ఈ క్రమంలో మహేష్ ఫస్ట్ లుక్ కోసం ఫ్యాన్సంతా ఆతృతగా ఎదురు చూస్తున్నారు. ఈ నేపథ్యంలో ఆగస్టు 9న మహేష్ పుట్టినరోజు కావడంతో పది రోజుల ముందుగానే అభిమానులకు ట్రీట్ అందించారు చిత్ర యూనిట్. ముందుగా ప్రకటించినట్లుగానే ‘సర్కారు వారి పాట’ ఫస్ట్ నోటీస్ పేరుతో ఫస్ట్ లుక్ ని విడుదల చేశారు. సందేశాత్మక అంశాలతో దర్శకుడు పరశురామ్ ఈ చిత్రాన్ని తెరకెక్కిస్తున్నారు. ఇందులో మహేష్ బాబు సరసన కీర్తి సురేష్ హీరోయిన్ గా నటిస్తోంది. ప్రకాష్ రాజ్ – సుబ్బరాజు – రావు రమేష్ – వెన్నెల కిషోర్ తదితరులు కీలక పాత్రలు పోషిస్తున్నారు.

About Author

PALLEVELUGU

See author's posts