టైరు పేలి కారు బోల్తా
1 min read
– వ్యక్తికి స్వల్ప గాయాలు
పల్లెవెలుగు, చాగలమర్రి: మండలంలోని పెద్దబోధనం గ్రామ సమీపంలోని 40వ జాతీయ రహదారిపై కారు టైరు పేలి బోల్తాపడిన ఘటన బుధవారం చోటు చేసుకుంది. స్థానికుల వివరాల మేరకు హైదరాబాదు నుంచి కారులో మస్తాన్ కుటుంబీకులతో స్వగ్రామమైన రాజంపేటకు బక్రీద్ పండుగ చేసుకునేందుకు బయల్దేరారు. మండలంలోని పెద్దబోధనం గ్రామ సమీపం లోని కాశినాయన ఆశ్రమం సమీపానికి చేరుకోగానే కారు ముందుభాగం టైరు పేలి బోల్తాపడింది. కారు నుజ్జునుజ్జెంది. కారులోని మస్తాన్ కు స్వల్పగాయాలయ్యాయి. మిగిలిన వారు సురక్షితంగా బయటపడ్డారు. విషయం తెలుసుకున్న పోలీసులు సంఘటనా స్థలానికి చేరుకొని విచారణ చేపట్టారు.
About Author
