వైసీపీలో వణుకు పుట్టిస్తున్న యువగళం
1 min read
– నందికొట్కూరులో 10వ తేదీన యువగళం లోకేష్ పాదయాత్ర -టిడిపి రాష్ట్ర కార్యదర్శి:ఏవిఆ ర్ ప్రసాద్
పల్లెవెలుగు వెబ్ మిడుతూరు: టిడిపి జాతీయ ప్రధాన కార్యదర్శి నారా లోకేష్ చేపట్టిన యువగళం పాదయాత్ర అధికార వైసీపీ ప్రభుత్వానికి వణుకు పుట్టిస్తున్నదని టిడిపి రాష్ట్ర కార్యదర్శి ఏవిఆర్ ప్రసాద్ అన్నారు.సోమవారం మిడుతూరు మండల కేంద్రంలో టిడిపి మండల కన్వీనర్ ఖాతా రమేష్ రెడ్డి స్వగృహంలో ఏర్పాటు చేసిన పాత్రికేయుల సమావేశంలో టిడిపి రాష్ట్ర కార్యదర్శి ఏవిఆర్ ప్రసాద్ వైసీపీ ప్రభుత్వంపై ఘాటుగా మాట్లాడారు.ఈ సైకో ప్రభుత్వాన్ని సాగనంపడానికి ప్రజల సిద్ధంగా ఉన్నారని అన్నారు.నారా లోకేష్ పాదయాత్ర విజయవంతం చేయుట గురించి మండల కమిటీ నాయకులతో ఏవిఆర్ ప్రసాద్ నాయకులతో చర్చించారు.పార్టీ ఆదేశాల మేరకు ఏవీఆర్ ప్రసాద్ ను మిడుతూరు మండల పర్యవేక్షకుడిగా నియమించడం జరిగిందని అందువల్ల ఈ సమావేశానికి హాజరయ్యారు.ఈసందర్భంగా ఏవిఆర్ ప్రసాద్ మాట్లాడుతూ రాష్ట్రంలో అరాచక పాలన సాగిస్తున్న సైకో ప్రభుత్వాన్ని సాగనంపడమే లక్ష్యంగా నాయకులు పనిచేయాలని ఆయన అన్నారు.రాష్ట్రంలో పరిపాలన అస్తవ్యస్తంగా తయారైందని చంద్రబాబు ప్రారంభించిన అమరావతి రాజధాని నిర్మాణాన్ని ఆటకెక్కించారని ఎక్కడ చూసినా అవినీతి,దోపిడీ, అక్రమాలు,బడుగు,బలహీన వర్గాలపై అధికార పార్టీ దౌర్జన్యాలు మితిమీరిపోయాయని ప్రతిపక్ష నేతలపై దాడులు చేయడం, అరెస్టులు చేయడం, నిత్యకృత్యంగా మారిందన్నారు.10లక్షల కోట్లకు పైగా ప్రభుత్వం అప్పులు చేయటంతో రాష్ట్రం అప్పుల ఊబిలో కూరుకుకుపోయిందన్నారు. టిడిపి ప్రభుత్వాన్ని అధికారంలోకి రావాలని ప్రజలు బలంగా కోరుకుంటున్నారని అన్నారు.నారా లోకేష్ చేపట్టిన యువగళం పాదయాత్రకు ప్రజల నుంచి విశేష స్పందన లభిస్తున్నదని వైసీపీ నాయకుల గుండెల్లో రైళ్లు పరిగెడుతున్నాయని అన్నారు.మిడుతూరు మండల కన్వీనర్ కాతా రమేష్ రెడ్డి మాట్లాడుతూ యువగళం పాదయాత్ర నందికొట్కూరులో పదవ తేదీన ఉదయం 7 గంటలకు చేరుకుంటారని అక్కడే బహిరంగ సభ ఉంటుందని పాదయాత్ర విజయవంతానికి ప్రతి ఒక్కరూ కృషి చేయాలని అన్నారు.అన్ని గ్రామాల నుంచి టిడిపి నాయకులు కార్యకర్తలు ప్రజలు పాదయాత్రలో అత్యధిక సంఖ్యలో పాల్గొనాలని ఆయన పిలుపునిచ్చారు.ఈ కార్యక్రమంలో టిడిపి నాయకులు ఐటీడీపీ కన్వీనర్ ఇంతియాజ్,ఇద్రీ స్,సుభాన్,రెహమాన్ భాష, చాంద్ బాష మరియు వివిధ గ్రామాల నాయకులు పాల్గొన్నారు.
About Author
