రాష్ట్ర స్థాయి టెన్నిస్ బాల్ క్రికెట్లో మూడో స్థానం
1 min read
– ఆదర్శ పాఠశాల విద్యార్థినులు…సెమీస్ కు చేరుకున్న బాలురు
పల్లెవెలుగు, వెబ్ రుద్రవరం: రాష్ట్ర స్థాయిలో జరిగిన టెన్నిస్ బాల్ క్రికెట్ పోటీలలో రుద్రవరం ఆదర్శ పాఠశాల విద్యార్థులు రాణించి మూడో స్థానంలో నిలిచారు. ఈ పోటీలలో బాలురు సెమిస్ కు చేరుకున్నారు. ఈ సందర్భంగా పాఠశాల ప్రిన్సిపల్ నాగేశ్వరరావు మాట్లాడుతూ ఈనెల 8 , 9 తేదీల నందు నెల్లూరులో జరిగిన రాష్ట్రస్థాయి టెన్నిస్ బాల్ క్రికెట్ పోటీలలో నంద్యాల జిల్లా తరఫున తమ పాఠశాలకు చెందిన విద్యార్థులు పాల్గొనడం జరిగిందన్నారు. ఈ పోటీలలో బాలురు సెమీ ఫైనల్ వరకు చేరుకున్నారని, బాలికలు ఉత్తమ ప్రతిభ కనబరిచి మూడో స్థానంలో నిలిచారని తెలిపారు. అలాగే రాష్ట్రస్థాయి పోటీలలో బాలికలు,బాలురు ఉత్తమ ప్రతిభ కనబరిచి పాఠశాలకు మంచి పేరు గుర్తింపు తీసుకువస్తున్నారని విద్యతోపాటు క్రీడలలో రాణిస్తున్న విద్యార్థిని విద్యార్థులను ఇందుకు కృషి చేసిన ఫిజికల్ డైరెక్టర్ శ్రీనివాసులును ప్రిన్సిపల్ తో పాటు ఉపాధ్యాయులు అభినందించారు.
About Author
