ఇది ఎనిమిదేళ్ల రక్తం, శ్రమ !
1 min read
ప‌ల్లెవెలుగువెబ్ : క‌న్నడ రాకింగ్ స్టార్ యష్ హీరోగా దర్శకుడు ప్రశాంత్ నీల్ అత్యంత ప్రతిష్టాత్మకంగా ఈ సినిమాను రెండు భాగాలుగా తెరకెక్కించారు. మొదటి భాగం విడుదలై సెన్సేషన్ క్రియేట్ చేసిన సంగతి తెలిసిందే. ఇక నేడు ప్రపంచ వ్యాప్తంగా భారీగా స్థాయిలో విడుదలైంది కేజీఎఫ్ ఛాప్టర్ 2. హొంబలే ఫిల్మ్స్ పతాకంపై విజయ్ కిరగందూర్ నిర్మించిన ఈ మూవీలో శ్రీనిధి శెట్టి హీరోయిన్‌గా, బాలీవుడ్ స్టార్స్ రవీనా టాండన్, సంజయ్ దత్, రావు రమేశ్ తదితరులు నటించారు. ఈ నేపథ్యంలో తాజాగా చిత్ర యూనిట్ సోషల్ మీడియాలో ఓ పోస్ట్ పెట్టింది. ఇందులో “ఎనిమిదేళ్ళ రక్తం, శ్రమ, కన్నీళ్ల తో కేజీఎఫ్ సిరీస్‌ను రూపొందించడం జరిగింది. కేజీఎఫ్ 2 ను థియేటర్లలో చూసేప్పుడు వీడియోస్ రికార్డ్ చేయవద్దు, వాటిని ఇంటర్నెట్‌లో పెట్టవద్దు”.. అంటూ రిక్వెస్ట్ చేశారు. అలాగే, ‘అందరూ థియేటర్లలోనే ఈ మూవీ చూసేలా సహకరించండి’.. అని కోరారు.
About Author
