ఈట‌ల రాజేంద‌ర్ పై పోటీ చేసేది ఇత‌నే..!

ప‌ల్లెవెలుగు వెబ్: ఈట‌ల రాజేంద‌ర్ త్వర‌లో ఎమ్మెల్యే ప‌ద‌వికి రాజీనామా చేయ‌నున్నారు. ఈ నేప‌థ్యంలో హుజురాబాద్ అసెంబ్లీ సెగ్మెంట్ కు ఉపఎన్నిక వ‌స్తుంది. ఆరు నెల‌ల్లో ఉప ఎన్నిక నిర్వహించే అవ‌కాశం ఉంది. ఈ సందర్భంగా హుజురాబాద్ బీజేపీ అభ్యర్థిగా ఈటెల రాజేంద‌ర్ పోటీ చేస్తే.. టీఆర్ఎస్ నుంచి ఎవ‌రు పోటీ చేస్తార‌న్న ఆస‌క్తి , చ‌ర్చ అంద‌రిలో మొద‌లైంది. హుజురాబాద్ టీఆర్ఎస్ అభ్యర్థిగా అల్గిరెడ్డి ప్రవీణ్ రెడ్డి పేరు ప్రముఖంగా వినిపిస్తోంది. ఈయ‌న వైఎస్ హ‌యాంలో హుస్నాబాద్ ఎమ్మెల్యేగా ప‌నిచేశారు. ఆయ‌న తండ్రి హుజురాబాద్ నుంచి రెండు సార్లు ఎమ్మెల్యేగా పోటీ చేసి ఓడిపోయారు. హుజురాబాద్ నియోజ‌క‌వ‌ర్గంలో సగం పైగా బీసీల ఓట్లు ఉండ‌గా.. 40 వేల‌కు పైగా రెడ్డి సామాజిక వ‌ర్గం ఓట్లు ఉన్నాయి. ఈ నేప‌థ్యంలో ప్రవీణ్ రెడ్డికి టీఆర్ఎస్ టికెట్ ఇస్తే గెలిచే అవ‌కాశం ఉంద‌న్న ఆలోచ‌న‌లో టీఆర్ఎస్ అధిష్టానం ఉంది. ప్రవీణ్ రెడ్డి గ‌తంలో కాంగ్రెస్ నుంచి పోటీ చేశారు. ఆ త‌ర్వాత టీఆర్ఎస్ తీర్థం పుచ్చుకున్నారు.

About Author

PALLEVELUGU

See author's posts