ఆళ్లగడ్డలో ఘోర రోడ్డు ప్రమాదం.. ముగ్గురి మృతి
1 min read
– మరో ముగ్గురికి తీవ్రగాయాలు
పల్లెవెలుగు వెబ్, ఆళ్లగడ్డ: కర్నూలు జిల్లా ఆళ్లగడ్డ జాతీయ రహదారిలో మంగళవారం ఘోర రోడ్డు ప్రమాదం జరిగింది. ఈ ఘటనలో ముగ్గురు అక్కడికక్కడే మృతి చెందారు. పోలీసులు, స్థానికులు తెలిపిన వివరాలిలా ఉన్నాయి. కొత్తపల్లి గ్రామానికి చెందిన కారు ఆళ్లగడ్డ సమీపంలోని గిడ్డంగుల వద్ద టైరు పేలి.. బోల్తా కొడుతూ… డివైడర్ అవతలి వైపు ఎదురుగా బైకును ఢీకొంది. శిరువెళ్లకు చెందిన కలాం, అబ్దుల్, జాకీర్, సులేమాన్ అనే నలుగురు బోడెమ్మనూరు గ్రామంలో రేకు సెంట్రింగ్ పని మీద వెళ్లి… తిరిగి బైకుపై వస్తుండగా ఈ ఘటన జరిగింది. ఈ ఘటనలో కలాం, అబ్దుల్, జాకీర్ అక్కడికక్కడే మృతి చెందారు.
సులేమాన్కు తీవ్రగాయాలయ్యాయి. కారులో ఉన్న బాల ఈశ్వర రెడ్డి, అతడి భార్యకు తీవ్రగాయాలయ్యాయి. ఘటనా స్థలాన్ని డీఎస్పీ రాజేంద్ర, సీఐ కృష్ణయ్య, ఎస్ఐ సత్యనారాయణ పరిశీలించారు. క్షతగాత్రులను ఆళ్లగడ్డ ప్రభుత్వ ఆస్పత్రికి తరలించారు. సులేమాన్. బాల ఈశ్వర్ రెడ్డి, అతడి భార్యను మెరుగైన వైద్య చికిత్స కోసం నంద్యాల ప్రభుత్వ వైద్యశాలకు తరలించారు. కేసు నమోదు చేసి దర్యాప్తు చేస్తున్నారు.
About Author
