మేయర్కు.. అభినందన
1 min read
పల్లెవెలుగు వెబ్, కర్నూలు : కర్నూలును గ్రీన్ సిటీగా మార్చేందుకు విశేష కృషి చేస్తున్న నగర మేయర్ బీవై రామయ్యకు హార్ట్ ఫౌండేషన్ సెక్రటరి, ప్రముఖ వైద్యనిపుణులు డా. చంద్రశేఖర్ అభినందనలు తెలిపారు. కర్నూలు హార్ట్ఫౌండేషన్ సభ్యులు ఆదివారం సాయంత్రం నగర మేయర్ బీవై రామయ్య స్వగృహానికి వెళ్లి మర్యాదపూర్వకంగా కలిశారు. ఈ సందర్భంగా పుష్పగుచ్చం ఇచ్చి శుభాకాంక్షలు తెలిపారు. అనంతరం కర్నూలు హార్ట్ ఫౌండేషన్ సెక్రటరి, ప్రముఖ వైద్యనిపుణులు డా. చంద్రశేఖర్ మాట్లాడుతూ నగర మేయర్గా బీవై రామయ్య ప్రమాణ స్వీకారం చేసినప్పటి నుంచి.. కర్నూలును రాష్ట్రంలోనే ఆదర్శనగరంగా తీర్చిదిద్దేందుకు కృషి చేస్తుండటం అభినందనీయమన్నారు. ప్రజల సమస్యలు ఎప్పటికప్పుడు తెలుసుకుని.. పరిష్కరిస్తున్నారని పేర్కొన్న డా. చంద్రశేఖర్.. మేయర్ బీవై రామయ్య భవిష్యత్లో తీసుకునే నగర అభివృద్ధి నిర్ణయాలకు ప్రజలు పూర్తిస్థాయిలో సహకరించాలని కోరారు. కార్యక్రమంలో హార్ట్ ఫౌండేషన్ సభ్యులు ఉన్నారు.
About Author
