శ‌వ వేష‌ధార‌ణ‌లో గుడికి .. !
1 min read
ప‌ల్లెవెలుగువెబ్ : శ‌వ వేష‌ధార‌ణ‌లో అమ్మ‌వారి మొక్కు తీర్చుకున్న ఘ‌ట‌న త‌మిళ‌నాడులో చోటుచేసుకుంది. ఈ ఘ‌ట‌న అంద‌ర్నీ ఆశ్చ‌ర్య‌ప‌రిచింది. సేలం జిల్లా జోరికొండాలంపట్టిలో ప్రసిద్ధిచెందిన మారియమ్మన్‌ ఆలయం ఉంది. ఈ ఆలయాన్ని దర్శించుకొని అమ్మవారిని పూజిస్తే కోరిన కోర్కెలు తీరుతాయని భక్తుల నమ్మకం. కోర్కెలు తీరిన భక్తులు తమ మొక్కలు చెల్లించుకుంటారు. ఈ క్రమంలో కోరిక తీరిన ఓ భక్తుడు తాను మొక్కకున్న విధంగా శవయాత్రతో వచ్చాడు. మృతిచెందిన వ్యక్తికి చేసినట్లే బంధువులు, మిత్రులు అశ్రునయనాల నడుమ అతడిని శ్మశానానికి తరలించారు. అక్కడ ఓ కోడికి అంత్యక్రియలు నిర్వహించిన అనంతరం సదరు శవం వేషధారి భక్తుడు ఆలయానికి వెళ్లి అమ్మవారిని దర్శించుకున్నాడు.
About Author
