సీఎం జగన్ తో భేటీ కానున్న టాలీవుడ్ అగ్రహీరోలు !
1 min read
పల్లెవెలుగువెబ్ : ఏపీ సీఎం జగన్ మోహన రెడ్డితో టాలీవుడ్ అగ్రహీరోలు భేటీ కానున్నారు. చిత్రపరిశ్రమకు రాయితీలు, ప్రోత్సాహకాలు, సినిమా టికెట్ ధరల అంశంపై జగన్ తో సమావేశం కానున్నారు. మరికొద్దిసేపట్లో హైదరాబాద్ నుండి గన్నవరం ఎయిర్ పోర్టుకు చేరుకోబోతున్నారు. చిరంజీవితో పాటు అగ్ర కథానాయకులు మహేష్ బాబు, జూనియర్ ఎన్టీఆర్, ప్రభాస్, దర్శకులు రాజమౌళి, కొరటాల శివ, నిర్మాత నిరంజన్ రెడ్డి ఇంకా.. పలువురు దర్శకులు, నిర్మాతలు మధ్యాహ్నం 12 గంటలకు ముఖ్యమంత్రి క్యాంపు కార్యాలయంకు చేరుకోనున్నారు. ఎయిర్ పోర్టు రన్ వే నుండి నేరుగా ప్రత్యేక వాహనాల్లో ముఖ్యమంత్రి క్యాంపు కార్యాలయానికి వారు చేరుకుంటారు. ఇప్పటికే నటుడు ఆర్.నారాయణ మూర్తి, ఆలి, పోసాని విజయవాడ చేరుకున్నారు. వీరంతా కలిసి ఉమ్మడి మీడియా సమావేశం ఏర్పాటు చేసే అవకాశం ఉంది.
About Author
