ట్రాక్టర్, బైక్ ఢీ… ఇద్దరి మృతి
1 min read
పల్లెవెలుగు వెబ్, కల్లూరు: కర్నూలు జిల్లా కల్లూరు మండలం యాపర్లపాడు గ్రామ రహదారిలో శుక్రవారం జరిగిన రోడ్డు ప్రమాదంలు ఇద్దరు మృతి చెందారు. ఘటనకు సంబంధించి ఉలిందకొండ ఎస్ఐ శరత్ కుమార్ తెలిపిన వివరాలిలా ఉన్నాయి. ఉలిందకొండ నుండి శ్రీరాములు,భార్య లక్ష్మీదేవితో కలిసి పనుల నిమిత్తం ద్విచక్ర ( ఏపీ 21 ఏసీ 4459) వాహనం పై బయలుదేరారు. యాపర్లపాడు రోడ్డు వద్ద వేగంగా వెళ్తున్న ట్రాక్టర్ ప్రమాదవశాత్తు బైక్ను ఢీకొంది. సమాచారం తెలియగానే ఉలిందకొండ ఎస్ఐ శరత్ కుమార్ రెడ్డి సిబ్బందితో వెళ్లి ఘటనా స్థలిని పరిశీలించారు. ఈ ప్రమాదంలో శ్రీరాములు అక్కడికక్కడే మృతి చెందాడు. అతడి భార్య లక్ష్మిదేవి కొనఊపిరితో ఉండగా వైద్యచికిత్స కోసం కర్నూలు ప్రభుత్వ ఆస్పత్రికి తరలించారు. కోలుకోలేక లక్ష్మిదేవి మృతి చెందింది.
About Author
