వాల్మీకులను… ‘ఎస్టీ’లో చేర్చాలి
1 min read
వాల్మీకి నేత డా. పార్థసారధి
14న ఎమ్మిగనూరులో వాల్మీకుల రౌండ్ టేబుల్ సమావేశం
పల్లెవెలుగు వెబ్: రాష్ట్రంలోని వాల్మీకులను ఎస్టీ జాబితాలో చేర్చాలని డిమాండ్ చేశారు వాల్మీకి నేత డా. పార్థసారధి. సోమవారం ఆయన విలేకరులతో మాట్లాడుతూ ..రాజకీయాలకతీతంగా ఈ నెల 14న కర్నూలు జిల్లా ఎమ్మిగనూరు పట్టణంలోని అజంతా ఫంక్షన్ హాల్లో జిల్లాస్థాయిలో వాల్మీకుల రౌండ్ టేబుల్ సమావేశం నిర్వహిస్తున్నట్లు వెల్లడించారు. రాష్ట్రంలో గత ప్రభుత్వం…ప్రస్తుత వైసీపీ ప్రభుత్వం వాల్మీకులను ఎస్టీ రిజర్వేషన్లో చేర్చకుండా.. కాలయాపన చేస్తూ… మోసం చేస్తున్నారని ఆరోపించారు. వాల్మీకులకు ఎస్టీ రిజర్వేషన్ పునరుద్ధరణకు రాష్ట్రవ్యాప్తంగా ఉద్యమిస్తామన్న వాల్మీకి నేత డా. పార్థసారధి… ఈనెల 14న జరిగే జిల్లా స్థాయి రౌండ్ టేబుల్ సమావేశానికి వాల్మీకులు భారీ స్థాయిలో హాజరై… ఎస్టీ రిజర్వేషన్ సాధన కోసం ప్రణాళికలు రూపొందించుకోవాలని కోరారు.
About Author
